Penci Sport plugin only working with the Soledad theme.

telugunewstoday.com - Telugu News Today

Telugu News Today

Tag: telugunewstoday.com

  • Dak Sewa App | ఇక ఫోన్‌లోనూ పోస్టల్‌ సేవలు.. తపాలాశాఖ నుంచి కొత్త యాప్‌

    Dak Sewa App | ఇక ఫోన్‌లోనూ పోస్టల్‌ సేవలు.. తపాలాశాఖ నుంచి కొత్త యాప్‌

    తెలుగున్యూస్​టుడే, ఇంటర్నెట్‌ డెస్క్‌: Dak Sewa App | పోస్టల్‌ సేవలను తపాల​ శాఖ మరింత చేరువ చేసేందుకు కొత్త ఆలోచనతో ముందుకొచ్చింది. తమ సేవలను మరింత వేగవంతం, సౌకర్యవంతంగా మార్చేందుకు కొత్త యాప్‌ను అందుబాటులోకి తెచ్చింది. ఇక నుంచి పోస్టల్‌ సేవలను స్మార్ట్‌ఫోన్ ద్వారా కూడా వినియోగించుకునేలా ‘డాక్‌ సేవ’ పేరిట యాప్‌ను విడుదల చేసింది. ఈ యాప్‌ ద్వారా ఎక్కడి నుంచైనా సేవలు వినియోగించుకోవచ్చు.

    Dak Sewa App | యాప్​ను డౌన్​లోడ్​ చేసుకోండిలా..

    డాక్​ సేవక్​ యాప్‌ను సులభంగా డౌన్‌లోడ్‌ చేసుకోవచ్చు. గూగుల్‌ ప్లే స్టోర్‌, యాపిల్ యాప్‌ స్టోర్‌లో (Dak Sewa App) అందుబాటులో ఉంది. అధికారిక యాప్‌ను ఇన్‌స్టాల్‌ చేసుకోవాలి. యాప్‌ను ఓపెన్‌ చేసి మొబైల్‌ నంబర్‌ లేదా ఈ-మెయిల్‌ ఐడీతో రిజిస్టర్‌ కావాలి. ఓటీపీ ద్వారా లాగిన్‌ అయ్యి సేవలను వినియోగించుకోవచ్చు.

    Dak Sewa App | ఈ సౌకర్యాలు పొందవచ్చు..

    డాక్ సేవ యాప్‌ ద్వారా వివిధ సేవలను పొందవచ్చు. పార్సిల్‌ ట్రాకింగ్‌, ఇన్సూరెన్స్‌ ప్రీమియం పెమెంట్‌, స్పీడ్‌/ రిజిస్టర్డ్‌ పోస్టు బుకింగ్‌, పోస్టేజ్‌ కాలిక్యులేషన్‌, కంప్లైంట్‌ రిజిస్ట్రేషన్‌, ట్రాకింగ్‌ సేవలను వినియోగించుకోవచ్చు. అంతేకాకుండా మీకు దగ్గరలోని పోస్టాఫీసుల వివరాలను తెలుసుకోవచ్చు. అలాగే వినియోగదారులు రియల్ టైమ్‌లో పార్సిళ్లు, స్పీడ్ పోస్ట్ ఆర్టికల్స్, మనీ ఆర్డర్లను సైతం ట్రాక్ చేయవచ్చు. వినియోగదారులు ఎక్కువ క్యూలలో నిలబడకుండా మెయిల్ ఐటెమ్‌లు, స్పీడ్ పోస్ట్, రిజిస్టర్డ్ పార్శిల్‌లను బుక్ చేసుకోవడానికి దోహదం చేస్తుంది. అలాగే పోస్టల్ లైఫ్ ఇన్సూరెన్స్, రూరల్ పోస్టల్ లైఫ్ ఇన్సూరెన్స్ ప్రీమియంలను కూడా ఆన్‌లైన్‌ ద్వారా చెల్లించవచ్చు. ఇలా డాక్​ సేవక్​ యాప్​ ద్వారా వివిధ సేవలను మొబైల్​ ద్వారానే వినియోగించుకోవచ్చు.

    ఇది కూడా చదవండి.. : శబరిమల వెళ్లే భక్తులకు గుడ్​న్యూస్​.. తెలుగు రాష్ట్రాల నుంచి ప్రత్యేక రైళ్లు.. 

    మమ్మల్ని సోషల్ మీడియా లో Follow చేయండి : Whatsapp, Facebook, Twitter, Arattai

  • Sabarimala special Trains | శబరిమల వెళ్లే భక్తులకు గుడ్​న్యూస్​.. తెలుగు రాష్ట్రాల నుంచి ప్రత్యేక రైళ్లు..

    Sabarimala special Trains | శబరిమల వెళ్లే భక్తులకు గుడ్​న్యూస్​.. తెలుగు రాష్ట్రాల నుంచి ప్రత్యేక రైళ్లు..

    తెలుగున్యూస్​టుడే, ఇంటర్నెట్​డెస్క్​: Sabarimala special Trains | శబరిమల వెళ్లే భక్తులకు రైల్వే శాఖ గుడ్​న్యూస్​ చెప్పింది. రెగ్యులర్​ రైళ్ల బుకింగ్స్​ ఫుల్​ కావడంతో ప్రత్యేక రైళ్లను ఏర్పాటు చేస్తున్నట్లు ప్రకటించింది. ఇందులో భాగంగా రెండు తెలుగు రాష్ట్రాల నుంచి స్పెషల్​ ట్రెయిన్లను నడపనుంది. ప్రయాణికుల రద్దీ దృష్ట్యా కాకినాడ, నాందేడ్​, చర్లపల్లి స్టేషన్ల నుంచి ఈ ప్రత్యేక రైళ్లు బయలుదేరనున్నాయి.

    Sabarimala special Trains | కొనసాగుతున్న బుకింగ్స్​

    ప్రత్యేక రైళ్ల రిజర్వేషన్లకు దక్షిణ మధ్య రైల్వే శనివారం నుంచి అవకాశం కల్పించింది. ఏపీ, తెలంగాణలోని పలు స్టేషన్ల మీదుగా ప్రత్యేక రైళ్లు వెళ్లనున్నాయి. నవంబర్ 17వ తేదీ నుంచి జనవరి 20 వరకు రాకపోకలు సాగించనున్నాయి. తెలంగాణ, ఆంధ్రప్రదేశ్, మహారాష్ట్రల నుంచి కేరళలోని కొల్లాం, కొట్టాయం వైపు మూడు మార్గాల్లో ప్రత్యేక రైళ్లను నడపనుంది. హైదరాబాద్ చర్లపల్లి స్టేషన్ నుంచి ట్రైన్ అందుబాటులో ఉండనుంది.

    Sabarimala special Trains | చర్లపల్లి – కొల్లాం స్పెషల్​ రైలు (ట్రైన్ నెంబర్ 07113/07114)

    చర్లపల్లి – కొల్లాం (07113) రైలు నవంబర్ 18 నుంచి జనవరి 13వ తేదీ వరకు ప్రతి మంగళవారం చర్లపల్లి స్టేషన్‌ నుంచి వెళ్లనుంది. కొల్లాం – చర్లపల్లి (07114) ట్రైన్​ నవంబర్ 20 నుంచి జనవరి 15 వరకు ప్రతి గురువారం నడుస్తుంది. ఈ రైలు సేవలు తెలంగాణ, కర్ణాటక, ఆంధ్రప్రదేశ్, తమిళనాడు, కేరళ రాష్ట్రాల భక్తులకు ఉపయోగకరం కానున్నాయి.

    Sabarimala special Trains | కాకినాడ టౌన్ – కొట్టాయం రైలు ( ట్రైన్ నంబర్ 07109/07110)

    సౌత్ సెంట్రల్ జోన్ పరిధిలో కాకినాడ టౌన్ – కొట్టాయం (07109) ట్రైన్​ నవంబర్ 17వ తేదీ నుంచి జనవరి 19 వరకు ప్రతి సోమవారం నడవనుంది. అలాగే కొట్టాయం – కాకినాడ టౌన్ (07110) రైలు నవంబర్ 18 నుంచి జనవరి 20 వరకు ప్రతి మంగళవారం తిరుగు ప్రయాణం ప్రారంభిస్తుంది.

    Sabarimala special Trains | నాందేడ్ – కొల్లాం రైలు ( ట్రైన్ నంబర్ 07111/07112)

    భక్తుల రద్దీ దృష్ట్యా మహారాష్ట్రలోని నాందేడ్ నుంచి కూడా స్పెషల్​ ట్రైన్​ను ప్రకటించారు. హజర్​ సాహెబ్​ నాందేడ్‌ – కొల్లాం (07111), కొల్లాం-హెచ్‌ఎస్‌ నాందేడ్‌ (07112) మధ్య ప్రత్యేక రైళ్లు రాకపోకలు సాగిస్తాయని సౌత్ సెంట్రల్ రైల్వే పేర్కొంది. ఈ రైళ్లు మహారాష్ట్ర, ఉత్తర కర్ణాటక ప్రాంత భక్తులకు సౌకర్యంగా మారనున్నాయి.

    ఇది కూడా చదవండి.. : Smartphone Flight Mode Uses: స్మార్ట్‌ఫోన్ ఫ్లైట్ మోడ్‌తో ఎన్ని ఉపయోగాలు.. అవేంటో తెలుసుకోండి!

    మమ్మల్ని సోషల్ మీడియా లో Follow చేయండి : Whatsapp, Facebook, Twitter, Arattai

  • Budget Cars | రూ.5 లక్షల్లోపు కారు కొనాలనుకుంటున్నారా.. బెస్ట్​ మైలేజ్​ ఇచ్చే వెహికిల్స్​పై ఓ లుక్కేయండి..

    Budget Cars | రూ.5 లక్షల్లోపు కారు కొనాలనుకుంటున్నారా.. బెస్ట్​ మైలేజ్​ ఇచ్చే వెహికిల్స్​పై ఓ లుక్కేయండి..

    Budget Cars | రూ.5 లక్షల్లోపు కారు కొనాలనుకుంటున్నారా..

    తెలుగున్యూస్​టుడే, ఇంటర్నెట్​ డెస్క్​: Budget Cars |కేంద్ర ప్రభుత్వం జీఎస్టీ రేట్ల సవరించడం కార్ల ధరలు భారీగా తగ్గాయి. ఈ నేపథ్యంలో చాలా మంది కారు కొనాలనే కల నెరవేర్చుకుంటున్నారు. జీఎస్టీ తగ్గులతో ఇప్పటికే ఎంతో మంది కొత్త కార్లు కొనుగోలు చేశారు. ఇంకా అనేక మంది కొనుగోలుకు ప్లాన్​ చేసుకుంటున్నారు. అయితే పెట్రోల్‌, డీజిల్‌ ధరలు భారీగా ఉండడంతో ఎక్కువ మైలేజీ ఇచ్చే వాహనాల కోసం చూస్తున్నారు. ఈ నేపథ్యంలో బడ్జెట్ ధరలో ఎక్కువ మైలేజీని అందించే కార్లపై ఓ లుక్కేయండి..

    ఎక్కువ మైలేజ్​ ఇచ్చే బెస్ట్ కార్లు ఇవే..

    చిన్న కార్లు చిన్న కుటుంబాలతో పాటు మధ్య తరగతి ప్రజలకు ఎంతో ఉపయోగకరంగా ఉంటాయి. అంతేకాకుండా సిటీ డ్రైవింగ్​కు కూడా అనువుగా ఉంటాయి. అందుకే పెద్ద కార్లతో పోలిస్తే వీటి సేల్స్​ ఎక్కువగా ఉంటాయి. బడ్జెట్​ ధరలో లభించడంతో పాటు అత్యధిక మైలేజ్​ ఇచ్చే కార్ల గురించి తెలుసుకుందాం.

    మారుతీ ఆల్టో K10

    రెనాల్ట్ క్విడ్

    దేశీయ మార్కెట్​లో అతి తక్కువ ధర కలిగిన కారు రెనాల్ట్ క్విడ్. సరసమైన కారు కొనాలనుకునే వారికి ఇది మంచి ఎంపిక అవుతుంది. దీని ప్రస్తుత ఎక్స్-షోరూం ధర రూ. 4.70 లక్షల నుంచి ప్రారంభమవుతుంది. ఇందులో కాంపాక్ట్ హ్యాచ్‌బ్యాక్ 999 సీసీ ఇంజిన్‌ ఉంటుంది. ఇది లీటర్‌కు 22.3 కిలోమీటర్ల మైలేజ్​ అందిస్తుంది. స్టైలిష్ లుక్, మంచి మైలేజీ, తక్కువ బడ్జెట్​లో లభించే బడ్జెట్ కారు.

    మారుతి సుజుకీ ఎస్-ప్రెస్సో

    మారుతి సుజుకి ఎస్-ప్రెస్సో అనేది ఈ కంపెనీ అందిస్తున్న రెండో చౌకైన కారు. రూ. 5 లక్షల లోపు కారు కొనాలని భావించే వారికి మంచి ఛాయిస్​. Budget Cars లో ఎస్-ప్రెస్సో ఎక్స్-షోరూం ప్రైస్​ వచ్చేసి రూ. 4.26 లక్షల నుంచి ప్రారంభమవుతుంది. ఇది 998 సీసీ ఇంజిన్‌తో శక్తిని ఇస్తుంది. లీటర్​కు 25.3 కి.మీ. మైలేజ్​ అందిస్తుంది.

    బడ్జెట్​ ధరల్లో కారు కొనాలనుకునే వారికి ఇవి మంచి ఎంపిక అవుతాయి. అయితే కొనుగోలు చేసే ముందు వీటి గురించి పూర్తిగా తెలుసుకోని ముందుకు వెళ్లడం ఉత్తమం. ఇక మరో విషయం ఏమిటంటే.. ప్రాంతాల ఆధారంగా ఎక్స్‌ షోరూం ప్రైస్​ ధర, ఆన్ రోడ్ ధరలు మారుతుంటాయి. అంతేకాకుండా వివిధ మోడల్స్‌, వేరియంట్లను బట్టి రేట్లు ఛేంజ్​ అవుతుంటాయి. అందుకే పూర్తి సమాచారం కోసం మీ సమీపంలోని షో రూంను సంప్రదించడం మంచిది.

    ఒకసారి ఈ క్రింది ఇంస్టాగ్రామ్ కొత్త ఫీచర్ గురించి కూడా తెలుసుకోండి.

    Instagram History Feature |ఇన్‌స్టాగ్రామ్‌లో అదిరిపోయే నయా ఫీచర్.. ‘వాచ్ హిస్టరీ’తో..

    మమ్మల్ని సోషల్ మీడియా లో Follow చేయండి : Whatsapp, Facebook, Twitter, Arattai

  • Instagram History Feature |ఇన్‌స్టాగ్రామ్‌లో అదిరిపోయే నయా ఫీచర్.. ‘వాచ్ హిస్టరీ’తో మీరు గతంలో చూసిన రీల్​ను మళ్లీ చూడొచ్చు..

    Instagram History Feature |ఇన్‌స్టాగ్రామ్‌లో అదిరిపోయే నయా ఫీచర్.. ‘వాచ్ హిస్టరీ’తో మీరు గతంలో చూసిన రీల్​ను మళ్లీ చూడొచ్చు..

    తెలుగున్యూస్​టుడే, ఇంటర్నెట్​ డెస్క్​: ప్రముఖ సోషల్​మీడియా యాప్​ ఇన్​స్టాగ్రాం నయా ఫీచర్​ను అందుబాటులోకి తీసుకువచ్చింది. ఇది యూజర్స్​కు ఎంతో ఉపయోగపడనుంది. గతంలో మనం ఒక వీడియో చూస్తే.. అది తిరిగి చూడాలంటే మనకు దొరకకపోయేది. కానీ ఇన్​స్టా తీసుకున్న వచ్చిన ఈ కొత్త ఫీచర్​ ఈ సమస్యకు చెక్​ పెట్టనుంది. ‘వాచ్​ హిస్టరీ’ ఫీచర్​ ద్వారా మనం గతంలో చూసి రీల్​ను మళ్లీ చూసేయవచ్చు. దీని గురించి తెలుసుకుందామా..

    Instagram History Feature |ఇన్‌స్టాగ్రామ్ ప్రపంచవ్యాప్తంగా ఎంతో ఆదరణ పొందిన సోషల్​ మీడియా ప్లాట్​ఫాం. సామాన్య వినియోగదారుల నుంచి ప్రముఖుల వరకు అందరూ దీనిని ఉపయోగిస్తున్నారు. కొందరైతే గంటల కొద్దీ స్క్రోల్​ చేస్తూ గడిపేస్తున్నారు. అయితే, ఒకసారి స్క్రోల్ చేసిన తర్వాత ఆ రీల్‌ను మళ్లీ చూడాలనుకుంటే పెద్ద సమస్యగా మారింది. ఈ సమస్యకు చెక్ పెడుతూ.. ఇన్‌స్టా కొత్త ఫీచర్​ను లాంఛ్​ చేసింది. ఇది తన వినియోగదారుల అనుభవాన్ని మరింత సులభతరం ఉపయోగపడనుంది.

    Instagram History Feature |ఇన్‌స్టాగ్రామ్ సీఈవో ఏమన్నారంటే..

    ఈ కొత్త ఫీచర్​పై ఇన్‌స్టాగ్రామ్ సీఈవో ఆడమ్ మొస్సేరి ఒక వీడియో విడుదల చేశారు. ఇందులో ఏమన్నారంటే.. “ఇకపై మీరు గతంలో చూసిన రీల్స్‌ను సులభంగా కనుగొనవచ్చు. ఈ ఫీచర్‌ మీకు మరింత సౌకర్యవంతంగా ఉంటుందని ఆశిస్తున్నాం” అని పేర్కొన్నారు.

    ఎలా యాక్సెస్ చేయాలంటే..

    Instagram History Feature ఇన్​స్టా గ్రాం తీసుకున్న వచ్చిన కొత్త ఫీచర్​ను ఉపయోగించడం ఎంతో సులభం. ఈ స్టెప్స్​ ఫాలో అయితే గత రీల్స్​ జాబితాను చూసేయవచ్చు.

    • ఇన్‌స్టాగ్రామ్ యాప్‌ను ఓపెన్​ చేయండి
    • సెట్టింగ్స్​లోకి (Settings) వెళ్లండి.
    • తర్వాత Your Activity ఎంపికను ఎంచుకోండి.
    • అక్కడ ‘వాచ్ హిస్టరీ’ (Watch History) అనే ఆప్షన్​ ఎంపిక కనిపిస్తుంది.
    • ఈ విభాగంలోకి వెళ్లాక.. మీరు గతంలో చూసిన రీల్స్ చేసేయవచ్చు.

    ఈ ఫీచర్ ఎందుకంటే..

    ఎంతో మంది వినియోగదారులు రీల్ చూస్తున్న టైం ఫోన్ కాల్ వచ్చినా లేదా యాప్‌ను రిఫ్రెష్ చేసినా.. ఆ రీల్‌ను తిరిగి దొరకక నిరాశకు గురవుతుండేవారు. ఈ సమస్యపై యూజర్స్​ నుంచి చాలా ఫిర్యాదులు వచ్చాయి. ఈ సమస్యను పరిష్కరించేందుకు ఇన్‌స్టా ఈ ఫీచర్​ను డెవలప్​ చేసింది. మీరు కూడా ఈ కొత్త ఫీచర్‌ను ట్రై చేయండి.. మీకు నచ్చిన రీల్స్‌ను సులభంగా తిరిగి చూసేయండి..

    Sabja Seeds Benefits | సబ్జా గింజలు ఆరోగ్యానికే కాదు.. అందానికి కూడా మంచివట..!

    మమ్మల్ని సోషల్ మీడియా లో Follow చేయండి : Whatsapp, Facebook, Twitter, Arattai