Author: Harsha Vardhan

BSNL 1 rupee plan | బీఎస్‌ఎన్‌ఎల్ మరోసారి రూ.1 సూపర్ ప్లాన్.. అన్‌లిమిటెడ్ కాలింగ్, రోజువారీ 2జీబీ డేటా..
తెలుగున్యూస్టుడే, ఇంటర్నెట్ డెస్క్: BSNL 1 rupee plan | ప్రభుత్వ రంగ టెలికాం సంస్థ భారత్ సంచార్ నిగమ్ లిమిటెడ్ (BSNL) కస్టమర్లకు ఆకర్షణీయ ఆఫర్లను అందిస్తూ ప్రైవేట్ ఆపరేటర్లకు గట్టి పోటీ ఇస్తోంది. గత కొంతకాలంగా కొన్ని ప్రీపెయిడ్ ప్లాన్ల ధరలు పెంచినప్పటికీ, ప్రత్యేక సందర్భాల్లో అత్యంత తక్కువ ధరలో అద్భుతమైన ప్రయోజనాలను అందించి కస్టమర్ల మనసు గెలుచుకుంటోంది.

ఇటీవలే స్వాతంత్ర్య దినోత్సవం సందర్భంగా “ఆజాదీ కా ప్లాన్” పేరుతో రూ.1 రీఛార్జ్ ఆఫర్‌ను (BSNL 1 rupee plan) ప్రవేశపెట్టి సంచలనం సృష్టించింది. ఆ తర్వాత దీపావళి సందర్భంగా “దీపావళి

బొనాంజా” పేరిట మరోసారి ఇదే ఆఫర్‌ను తీసుకొచ్చింది. రెండు సార్లూ ఈ ప్లాన్ ద్వారా భారీ సంఖ్యలో కొత్త కస్టమర్లు బీఎస్‌ఎన్‌ఎల్ నెట్‌వ ర్క్‌లో చేరారు.

BSNL 1 rupee plan | ప్రస్తుతం మరోసారి..

ఇప్పుడు మరోసారి అదే ఆకర్షణీయ ఆఫర్‌ను బీఎస్‌ఎన్‌ఎల్ తీసుకొచ్చింది. కస్టమర్ల నుంచి వివిధ వేదికలపై వస్తున్న డిమాండ్‌ను దృష్టిలో ఉంచుకుని, కేవలం ఒక్క రూపాయి ధరతో 30 రోజుల వ్యాలిడిటీ ఉన్న ప్రత్యేక రీఛార్జ్ ప్లాన్‌ను మళ్లీ అందుబాటులోకి తెచ్చినట్టు అధికారికంగా ప్రకటించింది.

BSNL 1 rupee plan | ఈ ప్లాన్‌లో లభించే ప్రయోజనాలు
- అన్‌లిమిటెడ్ లోకల్ వాయిస్ కాలింగ్ (ఏ నెట్‌వర్క్‌కైనా)
- రోజుకు 2 జీబీ హైస్పీడ్ డేటా (ఆ తర్వాత అన్‌లిమిటెడ్ రిడ్యూస్డ్ స్పీడ్)
- రోజుకు 100 ఉచిత ఎస్‌ఎంఎస్ సౌకర్యం
- వ్యాలిడిటీ: 30 రోజులు
BSNL 1 rupee plan | డిసెంబర్ 31 వరకు..

ఈ ఆఫర్ ప్రత్యేకత ఏమిటంటే, కొత్త సిమ్ కార్డు తీసుకునే వినియోగదారులకు మాత్రమే ఇది వర్తిస్తుంది. సిమ్ కార్డు పూర్తిగా ఉచితంగా అందించబడుతుంది. ఈ స్కీం డిసెంబర్ 1 నుంచి ప్రారంభమైంది. డిసెంబర్ 31, 2025 వరకు కొనసాగనుంది.

ఈ ప్రత్యేక ఆఫర్‌ను పొందాలంటే సమీప బీఎస్‌ఎన్‌ఎల్ కస్టమర్ సర్వీస్ సెంటర్ (CSC) లేదా అధికారిక కార్యాలయాన్ని సందర్శించాల్సి ఉంటుందని సంస్థ తెలిపింది.

తక్కువ ఖర్చుతో అత్యధిక ప్రయోజనాలు అందించే ఈ ప్లాన్ ద్వారా మరింత మంది కస్టమర్లను చేరదీసేందుకు బీఎస్‌ఎన్‌ఎల్ యోచిస్తోంది. ప్రైవేట్ టెలికాం కంపెనీల ధరల పెంపుతో నష్టపోతున్న వినియోగదారులకు ఇది ఉత్తమ ప్రత్యామ్నాయంగా కనిపిస్తోంది.

Back by public demand – BSNL’s ₹1 Freedom Plan!

Get, a Free SIM with 2GB data/day, unlimited calls and 100 SMS/day for 30 days of validity.

Applicable for new users only! #BSNL #AffordablePlans #BSNLPlans #BSNLFreedomPlan pic.twitter.com/pgGuNeU8c2

— BSNL India (@BSNLCorporate) December 1, 2025

Winter Asthma Care Tips | చలికాలంలో ఆస్థమాతో ఇబ్బందులు పడుతున్నారా.. అయితే ఈ జాగ్రత్తలు పాటించాలంటున్న నిపుణులు!
December 2, 2025,9:54 pm
Winter Asthma Care Tips | చలికాలంలో ఆస్థమాతో ఇబ్బందులు పడుతున్నారా.. అయితే ఈ జాగ్రత్తలు పాటించాలంటున్న నిపుణులు!

తెలుగున్యూస్టుడే, ఇంటర్నెట్డెస్క్: Winter Asthma Care Tips | ఆస్థమా అనేది దీర్ఘకాలిక శ్వాసకోశ వ్యాధి. సాధారణంగా దీన్ని ఉబ్బసం అని పిలుస్తూ ఉంటాం. ఒకసారి ఈ సమస్య మొదలైతే జీవితాంతం కొనసాగే అవకాశం ఉంటుంది. చలికాలంలో ఉష్ణోగ్రత గణనీయంగా తగ్గిపోవడంతో పాటు పొడి, చల్లని గాలి ప్రవాహం పెరగడంతో ఆస్థమా (Asthma) లక్షణాలు మరింత తీవ్రమవుతాయి. ఊపిరితిత్తుల్లో గాలి మార్గాలు ఇరుకైపోవడం, శ్వాస తీసుకోవడంలో ఇబ్బంది, రాత్రిపూట దగ్గు, గురక మరియు తీవ్రమైన ఆయాసం వంటి సమస్యలు ఎక్కువగా కనిపిస్తాయి.

అమెరికాకు చెందిన నేషనల్ లైబ్రరీ ఆఫ్ మెడిసిన్ ( పరిశోధనల ప్రకారం.. చల్లని వాతావరణం, గాలి కాలుష్యం మరియు శ్వాసకోశ ఇన్ఫెక్షన్లు ఆస్థమా రోగుల్లో దాడులను రెచ్చగొట్టే ప్రధాన కారకాలు. కాబట్టి ఈ ఋతువులో రోగులు అత్యంత అప్రమత్తంగా ఉండాల్సిన అవసరం ఉంది. ముఖ్యంగా పిల్లలు, వృద్ధులు, గర్భిణులు మరింత జాగ్రత్తలు పాటించాల్సి ఉంటుంది.

Winter Asthma Care Tips | చలికాలంలో పాటించాల్సిన జాగ్రత్తలు

చలికాలంలో వెచ్చని దుస్తులు ధరించండి. మెడ, తల, చెవులు, ముక్కు భాగాలు చల్లని గాలికి తగలకుండా స్కార్ఫ్, మఫ్లర్, టోపీ, చేతి తొడుగులు వాడండి. వులెన్ లేదా థర్మల్ దుస్తులు శరీర ఉష్ణోగ్రతను కాపాడుతాయి.

Winter Asthma Care Tips | ఉదయం త్వరగా బయటకు రావద్దు

తెల్లవారుజామున ఉష్ణోగ్రత ఎక్కువగా తగ్గి ఉంటుంది. కనీసం ఎండ కాస్తా వరకు ఇంట్లోనే ఉండటం మంచిది. ఉదయం త్వరంగా బయటకు రాకూడదు. సాయంత్రం 5 గంటల తర్వాత కూడా బయటకు వెళ్లేటప్పుడు జాగ్రత్తలు తీసుకోవాలి.

Winter Asthma Care Tips | గోరువెచ్చని నీరు తాగండి

రోజుకు 8–10 గ్లాసుల గోరువెచ్చని నీటిని తాగండి. దీనివల్ల శ్వాస మార్గాలు తేమగా ఉండి, ఇరుకైపోకుండా కాపాడుకోవచ్చు. అదనంగా అల్లం టీ, తులసి టీ, మిరియాల రసం వంటివి ఎక్కువగా తీసుకోవచ్చు.

ఇన్‌హేలర్‌ను సిద్ధంగా ఉంచుకోండి

డాక్టర్ సూచించిన మేరకు ప్రివెంటివ్ ఇన్‌హేలర్ (నీలిరంగు) లేదా రిలీవర్ ఇన్‌హేలర్ (ఆకుపచ్చ) ఎల్లప్పుడూ అందుబాటులో ఉంచుకోండి. లక్షణాలు తీవ్రమైతే వైద్యుల సూచనల ప్రకారం వాడండి.

శ్వాస వ్యాయామాలు ఆచరించండి

ప్రాణాయామం (అనులోమ విలోమ, భ్రామరీ, కపాలభాతి), డీప్ బ్రీతింగ్, పర్స్డ్ లిప్ బ్రీతింగ్ వంటివి ఊపిరితిత్తుల సామర్థ్యాన్ని పెంచుతాయి. రోజూ 10–15 నిమిషాలు ఈ వ్యాయామాలు చేయడం ఎంతో ఉపయోగకరం.

ఇన్ఫెక్షన్ల నుంచి రక్షణ

చలికాలంలో జలుబు, ఫ్లూ, వైరల్ ఇన్ఫెక్షన్లు ఆస్థమాను మరింత పెంచుతాయి. కాబట్టి మాస్క్ ధరించండి. తరచూ సబ్బుతో చేతులు కడుక్కోండి. జలుబు ఉన్నవారి నుంచి దూరంగా ఉండండి. ఫ్లూ వ్యాక్సిన్ తీసుకోవడం గురించి డాక్టర్‌ను అడగండి.

కెఫీన్‌కు దూరంగా ఉండండి

టీ, కాఫీ, ఎనర్జీ డ్రింక్స్‌కు దూరంగా ఉండండి. వీటిలో ఉండే అధిక కెఫీన్ గుండె వేగాన్ని పెంచి శ్వాస సమస్యలను తీవ్రతరం చేయవచ్చు. బదులుగా మూలికల టీలు తీసుకోవడం మంచిది. అలాగే పొగ, సిగరెట్ ధూమం, ఐస్‌క్రీమ్, కోల్డ్ డ్రింక్స్ తీసుకోవడం వల్ల శ్వాస మార్గాలను ఇరుకును చేస్తాయి.

ఇంటి పరిసరాలు శుభ్రంగా ఉంచండి

దుమ్ము, పొగ, ధూళి, పెంపుడు జంతువుల రోమాలు, ఫంగస్ ఆస్థమాను పెంచుతాయి. వీక్లీ వెట్ క్లీనింగ్ చేయండి. బెడ్ షీట్స్‌ను వేడి నీటిలో ఉతకండి. గదిలో హ్యూమిడిఫైయర్ వాడొచ్చు (అధిక తేమ కూడా సమస్య కాకుండా చూసుకోండి).

ప్రాసెస్డ్ ఫుడ్ తగ్గించండి

ప్యాకెట్ ఫుడ్స్, ఫాస్ట్ ఫుడ్, అధిక ఉప్పు, ప్రిజర్వేటివ్స్ ఉన్న ఆహారం శరీరంలో మంటను పెంచుతుంది. తాజా పండ్లు, కూరగాయలు, గింజలు, ఆకుకూరలు ఎక్కువగా తీసుకోండి.

లక్షణాలు ఎక్కువైతే ఆలస్యం చేయకుండా వెంటనే ఛాతీ వైద్యుడిని లేదా పల్మనాలజిస్ట్‌ను సంప్రదించండి.

గమనిక: ఈ సమాచారం కేవలం మీ అవగాహన కోసం మాత్రమే. ఇంటర్నెట్లో దొరికిన సమాచారం ఆధారంగా ప్రచురించారం. మీరు వీటిని పాటించే ముందు మీ వ్యక్తిగత వైద్యుడిని సంప్రదించండి. ప్రతి రోగి శారీరక స్థితి భిన్నంగా ఉంటుంది కాబట్టి మీ వ్యక్తిగత వైద్యుడి సూచనలకు ప్రాధాన్యత ఇవ్వండి.

ఇది కూడా చదవండి..: Winter Blues Natural Remedies | చలికాలంలో మూడీగా ఉంటున్నారా.. వింటర్ బ్లూస్‌ను ఎదుర్కోవడానికి సహజ మార్గాలివే..!

మమ్మల్ని సోషల్ మీడియాలో Follow చేయండి : Whatsapp, Facebook, Twitter, Arattai

December 2, 2025,9:30 am
Avatar 3 | డిసెంబర్ 19న ప్రేక్షకుల ముందుకు అవతార్ 3.. టికెట్ల బుకింగ్ ఎప్పటినుంచంటే..!

తెలుగున్యూస్టుడే, ఇంటర్నెట్ డెస్క్: Avatar 3 | జేమ్స్ కామెరూన్ దర్శకత్వంలో రూపొందుతున్న భారీ విజువల్ స్పెక్టాకిల్ ‘అవతార్: ఫైర్ అండ్ ఆష్’ (Avatar: Fire and Ash) మూడో భాగం త్వరలో ప్రేక్షకుల ముందుకు రానుంది. అభిమానులను ఉత్కంఠగా ఎదురు చూస్తున్న ఈ విజువల్ వండర్ మూవీ డిసెంబర్ 19న ప్రపంచవ్యాప్తంగా రిలీజ్కానుంది. ఈ నేపథ్యంలో సినిమా టికెట్స్బుకింగ్స్కు సంబంధించి కీలక అప్డేట్ వెలువడింది.

Avatar 3 | టికెట్ల అడ్వాన్స్ బుకింగ్ తేదీ నిర్ణయం

భారతదేశంలో ‘అవతార్ 3’ (Avatar 3) సినిమా టికెట్ల ముందస్తు బుకింగ్ డిసెంబర్ 5, 2025 నుండి అధికారికంగా ప్రారంభం కానుంది. ఈ బుకింగ్స్ ఇంగ్లిష్, హిందీ, తెలుగు, తమిళం, కన్నడ, మలయాళం భాషల్లో దేశవ్యాప్తంగా రిలీజ్ అవనుంది. గత రెండు భాగాల మాదిరే ఈ చిత్రానికి కూడా అడ్వాన్స్ బుకింగ్‌లో రికార్డు స్థాయి డిమాండ్ ఏర్పడే అవకాశం ఉందని ట్రేడ్ నిపుణులు అంచనా వేస్తున్నారు.

Avatar 3 | IMAX వెర్షన్ కసం..

ఈ చిత్రాన్ని అత్యంత భారీ తెరపై అనుభవించాలనుకునే అభిమానుల కోసం IMAX వెర్షన్ భారతదేశంలో విడుదల చేయనున్నారు. అయితే, IMAX ఫార్మాట్ కేవలం ఇంగ్లిష్, హిందీ భాషల్లోకే పరిమితం కానుంది. తెలుగు, తమిళం, కన్నడ, మలయాళం వంటి దక్షిణ భారత భాషల్లో IMAX వెర్షన్ లేదు.

Avatar 3 | జేమ్స్ కామెరూన్ సంచలన ప్రకటన

ఇటీవల ఒక అంతర్జాతీయ ఇంటర్వ్యూలో దర్శకుడు జేమ్స్ కామెరూన్ ఈ చిత్రం బాక్సాఫీస్ వద్ద విఫలమైతే ‘అవతార్’ సిరీస్‌ను శాశ్వతంగా ముగించే అవకాశం ఉందని స్పష్టం చేశారు. తన కథాంశం, సాంకేతిక ప్రమాణాలపై ఆయనకున్న గట్టి నమ్మకాన్ని ఈ ప్రకటన తెలియజేస్తోంది. ఈ వ్యాఖ్యలు చిత్రంపై ఉన్న ఆసక్తిని మరింత పెంచాయి.

ఇది కూడా చదవండి..: Samantha Marriage | వివాహ బంధంలోకి సమంత – రాజ్.. ఫొటోలు వైరల్..

మమ్మల్ని సోషల్ మీడియాలో Follow చేయండి : Whatsapp, Facebook, Twitter, Arattai

December 1, 2025,9:21 pm
Samantha Marriage | వివాహ బంధంలోకి సమంత – రాజ్.. ఫొటోలు వైరల్..

తెలుగున్యూస్టుడే, ఇంటర్నెట్డెస్క్: Samantha Marriage | సమంత రూత్ ప్రభు మరోసారి దాంపత్య జీవితంలో అడుగుపెట్టారు. ప్రముఖ నటి సమంత.. ‘ది ఫ్యామిలీ మ్యాన్’ సీజన్-2 దర్శకుడు రాజ్ నిడిమోరు వివాహ బంధంతో ఒక్కటయ్యారు. డిసెంబర్ 1వ తేదీ సోమవారం తెల్లవారుజామున తమిళనాడులోని కోయంబత్తూరు సమీపంలో ఉన్న ఈశా యోగా సెంటర్‌లోని లింగ భైరవి ఆలయంలో ఈ వివాహం అత్యంత సాదాసీదాగా జరిగింది.

Samantha Marriage | ఎరుపు రంగు చీరలో సమంత

వధువు సమంత సాంప్రదాయ ఎరుపు రంగు చీరలో కనిపించగా.. వరుడు రాజ్ నిడిమోరు క్రీమ్-బంగారు రంగుల కుర్తా పైజమాలో సొగసుగా ఉన్నారు. కేవలం కుటుంబ సభ్యులు, అతి సన్నిహితుల సమక్షంలో నిర్వహించిన ఈ వేడుకకు ఈశా ఫౌండేషన్ అధికారికంగా శుభాకాంక్షలు తెలియజేసింది.

Samantha Marriage | ‘భూత శుద్ధి వివాహం’గా..

ఈ వివాహాన్ని ‘భూత శుద్ధి వివాహం’గా నిర్వహించినట్లు ఈశా ఫౌండేషన్ తమ ప్రకటనలో వెల్లడించింది. యోగ శాస్త్రంలో అత్యంత పవిత్రమైన ఈ విధానం.. దంపతుల శరీరంలోని పంచభూతాలను శుద్ధి చేస్తూ ఆధ్యాత్మిక స్థాయిలో లోతైన అనుబంధాన్ని ఏర్పరుస్తుందని పేర్కొంది. భౌతిక, మానసిక, భావోద్వేగ స్థాయులకు అతీతంగా ఇద్దరి మధ్య శాశ్వతమైన సామరస్యాన్ని, ఆధ్యాత్మిక ఐక్యతను కలిగించేందుకు ఈ ప్రత్యేక వివాహ క్రతువు రూపొందించబడిందని ఫౌండేషన్ వివరించింది.

Samantha Marriage | గతే రెండేళ్లు వీరి మధ్య స్నేహం

గత రెండేళ్లుగా సమంత, రాజ్ నిడిమోరు మధ్య సన్నిహిత స్నేహం ఉందన్న వార్తలు సోషల్ మీడియాలో చక్కర్లు కొట్టాయి. ‘సిటాడెల్: హనీ బన్నీ’, ‘ది ఫ్యామిలీ మ్యాన్-2’ వంటి ప్రాజెక్టుల సెట్స్‌లోనే వీరి అనుబంధం మొదలైందని ఇండస్ట్రీలో టాక్. అలాగే సమంత నిర్మాణ సంస్థ ‘శుభం’ పరిధిలో వచ్చిన చిత్రానికి రాజ్ క్రియేటివ్ ప్రొడ్యూసర్‌గా పనిచేశారు. ఆ చిత్రం విజయోత్సవ వేడుకల్లో ఇద్దరూ కలిసి కనిపించిన ఫొటోలు అప్పట్లో వైరల్ అయిన విషయం తెలిసిందే.

వివాహం తర్వాత సమంత స్వయంగా సోషల్ మీడియాలో ఫొటోలు పంచుకుంటూ అభిమానులకు ఈ శుభవార్తను తెలియజేశారు. ఆ పోస్టులకు క్షణాల్లోనే లక్షలాది మంది నెటిజన్లు, సినీ ప్రముఖులు శుభాకాంక్షలు తెలియజేస్తూ కామెంట్లు పెట్టారు.

ఇది కూడా చదవండి..: Gajakesari Yoga | డిసెంబర్ 8న గజకేసరి రాజయోగం.. ఈ మూడు రాశుల వారికి పట్టిందల్లా బంగారమే..!

మమ్మల్ని సోషల్ మీడియాలో Follow చేయండి : Whatsapp, Facebook, Twitter, Arattai

December 1, 2025,5:27 pm
India Q2 GDP | దూసుకుపోతున్న భారత ఆర్థిక వ్యవస్థ.. అంచనాలను మించిన జీడీపీ గణాంకాలు
తెలుగున్యూస్టుడే, ఇంటర్నెట్ డెస్క్: India Q2 GDP | భారతదేశ ఆర్థిక వ్యవస్థ దూసుకెళ్తోంది. 2024-25 ఆర్థిక సంవత్సరం రెండో త్రైమాసికం (జులై-సెప్టెంబర్) (India Q2 GDP) జీడీపీ గణాంకాలు తాజాగా విడుదలయ్యాయి. అనేక మంది ఆర్థిక నిపుణుల అంచనాలను మించి, ఈ త్రైమాసికంలో భారత్ రియల్ జీడీపీ వృద్ధి రేటు 8.2 శాతంగా నమోదు కావడం దేశ ఆర్థిక బలోపేతాన్ని స్పష్టంగా తెలియజేస్తోంది.

ఈ ఘనత సాధించడానికి ప్రధాన కారకాలుగా దేశీయ వినియోగదారుల ఖర్చు (డిమాండ్) బలోపేతం కావడం, తయారీ రంగంలో పురోగతి సాధించడం పనిచేశాయి. ముఖ్యంగా ప్రపంచ వాణిజ్యంలో నెలకొన్న అనిశ్చితులు, భౌగోళిక రాజకీయ ఒడిదొడుకులు ఉన్నప్పటికీ ఈ స్థాయి వృద్ధిని నమోదు చేసుకోవడం భారత ఆర్థిక వ్యవస్థ స్థిరత్వాన్ని, దాని స్వతంత్ర డ్రైవ్‌ను చాటి చెబుతోంది.

India Q2 GDP | గణాంకాలపై ఓ లుక్కేయండి..
- రెండో త్రైమాసికం రియల్ జీడీపీ వృద్ధి: 8.2 శాతం
- నామినల్ జీడీపీ వృద్ధి: 8.7 శాతం
- మొదటి అర్ధ సంవత్సరం (ఏప్రిల్-సెప్టెంబర్) సగటు రియల్ జీడీపీ వృద్ధి: 8.0 శాతం
  (గత ఏడాది ఇదే కాలంలో 6.1 శాతం మాత్రమే)
India Q2 GDP | రంగాల వారీగా పనితీరు..
- తయారీ రంగం: 9.1 శాతం
- నిర్మాణ రంగం: 7.2 శాతం
- ఆర్థిక సేవలు, రియల్ ఎస్టేట్ & ప్రొఫెషనల్ సర్వీసెస్: 10.2 శాతం
- వ్యవసాయం & సంబంధిత రంగాలు: 3.5 శాతం
- విద్యుత్, గ్యాస్, నీటి సరఫరా మొదలైన యుటిలిటీ సేవలు: 4.4 శాతం
India Q2 GDP | ఆ రంగంలో రెండంకెల వృద్ధి

తయారీ రంగంతో పాటు సేవల రంగంలోని ఆర్థిక సేవలు, రియల్ ఎస్టేట్, వృత్తిపరమైన సేవలు రెండంకెల వృద్ధిని సాధించి మొత్తం ఆర్థిక వ్యవస్థను ముందుకు నడిపించాయి. మొత్తం గ్రాస్ వాల్యూ యాడెడ్ (GVA) వృద్ధి 8.1 శాతంగా నమోదు కాగా.. వ్యవసాయ రంగంలో కొంత మందగమనం కనిపించింది.

ఈ అద్భుత ప్రదర్శన ద్వారా భారత్ మరోసారి ప్రపంచంలోనే అత్యంత వేగంగా అభివృద్ధి చెందుతున్న పెద్ద ఆర్థిక వ్యవస్థగా తన స్థానాన్ని బలంగా నిలబెట్టుకుంది. దేశీయ డిమాండ్, పెట్టుబడులు, ఉత్పాదక రంగాల సమ్మిళిత ప్రయత్నంతో ఈ విజయం సాధ్యమైందని ఆర్థిక విశ్లేషకులు అభిప్రాయపడుతున్నారు.

ఇది కూడా చదవండి..: 2026 Holidays List | 2026 సెలవుల జాబితా విడుదల.. మొత్తం ఎన్ని రోజులు హాలీడేస్ అంటే..!
November 30, 2025,8:32 am
Side Effects of Mobile Phones | స్మార్ట్‌ఫోన్లలో బందీ అవుతున్న బాల్యం.. తల్లిదండ్రులు ఈ జాగ్రత్తలు పాటించాలంటున్న నిపుణులు
తెలుగున్యూస్టుడే, ఇంటర్నెట్ డెస్క్: Side Effects of Mobile Phones | గతంలో పిల్లలకు అన్నం తినిపించేటప్పుడు జానపద కథలు, జోలపాటలు, ఊయలలూగిస్తూ ఆడించేవారు. కానీ ఈ రోజుల్లో ఆ ఓపిక తల్లిదండ్రులకు లేకపోవడం, లేదా ఇంటర్నెట్ యుగంలో పిల్లల్ని నిశ్శబ్దంగా ఉంచే సులభమైన మార్గంగా స్మార్ట్‌ఫోన్‌ను ఇచ్చేస్తున్నారు. ఫలితంగా చిన్న పిల్లల చేతిలో ఎప్పుడూ మొబైల్ ఫోన్ ఉంటూ, యూట్యూబ్ షార్ట్స్, ఇన్‌స్టాగ్రామ్ రీల్స్‌లో మునిగిపోతున్న దృశ్యం ప్రతి ఇంటా కనిపిస్తోంది. ఇది పిల్లల శారీరక, మానసిక, మేధో అభివృద్ధిని తీవ్రంగా దెబ్బతీస్తోందని పలు అధ్యయనాలు, వైద్య నిపుణులు హెచ్చరిస్తున్నారు. ముఖ్యంగా పదేళ్ల లోపు పిల్లలు ఈ డిజిటల్ వ్యసనానికి ఎక్కువగా బలవుతున్నారు.

Side Effects of Mobile Phones | కంటి ఆరోగ్యంపై తీవ్ర ప్రభావం

అధిక స్క్రీన్ టైం వల్ల పిల్లల్లో కంటి సమస్యలు ఆందోళనకరంగా పెరుగుతున్నాయి. కళ్లు పొడిబారడం, ఎర్రబారడం, నీళ్లు కారడం, తలనొప్పి, కంటి మంట – ఇవన్నీ సాధారణ లక్షణాలుగా మారాయి. అతి చిన్న వయసులోనే మయోపియా (దూరదృష్టి లోపం) పెరుగుతోంది. నిపుణుల అంచనా ప్రకారం.. పదేళ్ల లోపు పిల్లల్లో సగం మందికి పైగా దృష్టి సంబంధిత ఇబ్బందులు ఎదురవుతున్నాయి. ఎనిమిదేళ్ల వరకు కంటి అభివృద్ధి కొనసాగుతుంది. ఈ కీలక దశలో మొబైల్ స్క్రీన్ నుంచి వెలువడే బ్లూ లైట్ రెటీనాపై తీవ్ర ప్రతికూల ప్రభావం చూపుతుందని డాక్టర్లు హెచ్చరిస్తున్నారు. దీర్ఘకాలంలో ఇది శాశ్వత దృష్టి లోపాలకు దారితీస్తుంది.

Side Effects of Mobile Phones | మానసిక ఆరోగ్యంపై ఎఫెక్ట్

స్క్రీన్ అడిక్షన్ కేవలం కళ్లకే పరిమితం కాదు. అమెరికాకు చెందిన నేషనల్ లైబ్రరీ ఆఫ్ మెడిసిన్ అధ్యయనాలు పేర్కొన్నట్లు, పిల్లల్లో మొబైల్ వాడకం అధికమైతే ఆందోళన, నిరాశ, ప్రవర్తనా రుగ్మతలు పెరుగుతాయి. సృజనాత్మకత, స్వతంత్ర ఆలోచనా శక్తి క్రమంగా తగ్గిపోతాయి. ఎప్పుడూ షార్ట్ వీడియోలు చూస్తూ ఉండడం వల్ల శ్రద్ధావ్యవధి (attention span) తగ్గుతుంది, ఏకాగ్రత లోపిస్తుంది. ఇది విద్యార్థుల పరిణామాలపై కూడా ప్రతికూల ప్రభావం చూపుతుంది.

Side Effects of Mobile Phones | తల్లిదండ్రులు తీసుకోవాల్సిన జాగ్రత్తలు

నిపుణులు స్పష్టంగా చెబుతున్న ఒక్కటే మాట – ముఖ్యంగా ఐదేళ్ల లోపు పిల్లలకు స్మార్ట్‌ఫోన్‌ను పూర్తిగా దూరంగా ఉంచాలి. ఆ తర్వాత కూడా నియంత్రితంగా, పర్యవేక్షణలో మాత్రమే అనుమతించాలి.

కొన్ని ముఖ్యమైన సూచనలు..
- రంగురంగుల పుస్తకాలు, ఆట వస్తువులు, పజిల్స్, బొమ్మలతో ఆడుకునేలా ప్రోత్సహించండి.
- పిల్లలకు ఏ విషయంపై ఆసక్తి ఉందో గమనించి, ఆ దిశగా మళ్లించండి
- డ్రాయింగ్, సంగీతం, నృత్యం, క్రీడలు లేదా ఏదైనా సృజనాత్మక కార్యకలాపాలు.
- తల్లిదండ్రులు ముందు ఆదర్శంగా ఉండాలి. మీరే భోజనం చేస్తూ, మాట్లాడుతూ ఫోన్ పట్టుకుంటే పిల్లలు కూడా అదే అలవాటు చేసుకుంటారు.
- ప్రతిరోజూ కనీసం ఒక గంట సేపయినా బయట ఆటలు ఆడేలా, పరుగులు పెట్టేలా, శారీరక శ్రమ ఉండేలా చూడండి.
- ఇంట్లో ‘స్క్రీన్ ఫ్రీ జోన్స్’ (భోజనాల సమయం, పడుకునే గది) ఏర్పాటు చేయండి.
చివరగా.. ఈ డిజిటల్ యుగంలో స్మార్ట్‌ఫోన్‌ను పూర్తిగా నిషేధించడం కష్టమే అయినప్పటికీ, బాల్యాన్ని రక్షించడం తల్లిదండ్రుల బాధ్యత. పిల్లల చేతిలో ఫోన్ ఉంచి నిశ్శబ్దం కొనుగోలు చేయడం కంటే, కొంచెం సమయం కేటాయించి వారితో గడిపిన ప్రతి నిమిషం భవిష్యత్తులో ఎంతో విలువైనదిగా మిగిలిపోతుంది.

గమనిక: ఈ వ్యాసంలో పేర్కొన్న సమాచారం వైద్య నిపుణులు, అధ్యయనాల ఆధారంగా అందించబడింది. ఏదైనా ఆరోగ్య సమస్య ఉంటే తప్పనిసరిగా పిల్లల వైద్యుడిని సంప్రదించి సలహా తీసుకోగలరు.

ఇది కూడా చదవండి..: Winter Skin Care Tips | చలికాలంలో చర్మం పొడిబారుతుందా.. ఈ చిట్కాలు పాటిస్తే నిగనిలాడుతుంది..!

మమ్మల్ని సోషల్ మీడియాలో Follow చేయండి : Whatsapp, Facebook, Twitter, Arattai
November 29, 2025,9:41 pm
2026 Holidays List | 2026 సెలవుల జాబితా విడుదల.. మొత్తం ఎన్ని రోజులు హాలీడేస్ అంటే..!
తెలుగున్యూస్టుడే, ఇంటర్నెట్ డెస్క్: 2026 Holidays List | కొత్త సంవత్సరంలో కొన్ని రోజుల్లో అడుగుపెట్టనున్నాం. ఈ నేపథ్యంలో కేంద్ర ప్రభుత్వం తన ఉద్యోగులకు వర్తించే 2026 సంవత్సరం సెలవుల జాబితాను (2026 Holidays List) అధికారికంగా ప్రకటించింది. ప్రయాణాలు, కుటుంబ కార్యక్రమాలు లేదా వ్యక్తిగత పనుల కోసం ముందుగానే ప్లాన్ చేసుకునే వారికి ఈ క్యాలెండర్ ఎంతో ఉపయోగకరంగా ఉంటుంది. 2025తో పోల్చితే 2026లో సెలవుల గణనీయంగా పెరగడం ఉద్యోగులు, తల్లిదండ్రులకు సంతోషాన్ని కలిగించింది.

కేంద్ర ప్రభుత్వం ప్రకటించిన జాబితా ప్రకారం 2026లో మొత్తం 14 తప్పనిసరి (గెజిటెడ్) సెలవులు, 12 ఐచ్ఛిక (రెస్ట్రిక్టెడ్) సెలవులు ఉంటాయి. ఇవి కాకుండా ప్రతి నెలలోని రెండో శనివారాలు (12 రోజులు), అన్ని ఆదివారాలు (52 రోజులు) కూడా సెలవులుగానే పరిగణించబడతాయి.

2026 Holidays List | 2026 సెలవుల జాబితా విడుదల

సెలవుల వివరాలు
- జనవరి 1 – నూతన సంవత్సర దినోత్సవం
- జనవరి 14 – మకర సంక్రాంతి / పొంగల్
- జనవరి 23 – వసంత పంచమి
- జనవరి 26 – గణతంత్ర దినోత్సవం
- ఫిబ్రవరి 1 – గురు రవిదాస్ జయంతి
- ఫిబ్రవరి 15 – మహా శివరాత్రి
- ఫిబ్రవరి 19 – ఛత్రపతి శివాజీ మహారాజ్ జయంతి
- మార్చి 4 – హోలీ
- మార్చి 19 – తెలుగు ఉగాది
- మార్చి 21 – ఈదుల్ ఫితర్ (రంజాన్)
- మార్చి 26 – శ్రీరామ నవమి
- మార్చి 31 – మహావీర్ జయంతి
- ఏప్రిల్ 3 – గుడ్ ఫ్రైడే
- ఏప్రిల్ 5 – ఈస్టర్ సండే
- ఏప్రిల్ 14 – డా. బి.ఆర్. అంబేద్కర్ జయంతి
- మే 1 – బుద్ధ పౌర్ణమి
- మే 27 – బక్రీద్
- జూన్ 26 – మొహర్రం
- ఆగస్టు 15 – స్వాతంత్ర్య దినోత్సవం
- ఆగస్టు 26 – మిలాద్-ఉన్-నబీ, ఓణం
- ఆగస్టు 28 – రక్షా బంధన్
- సెప్టెంబర్ 4 – శ్రీ కృష్ణ జన్మాష్టమి
- సెప్టెంబర్ 14 – వినాయక చతుర్థి
- అక్టోబర్ 2 – మహాత్మా గాంధీ జయంతి
- అక్టోబర్ 18, 19, 20 – దసరా సెలవులు (విజయదశమి సహా)
- నవంబర్ 8 – దీపావళి
- నవంబర్ 15 – ఛత్ పూజ
- నవంబర్ 24 – గురు నానక్ జయంతి
- డిసెంబర్ 25 – క్రిస్మస్
పాఠశాలల విషయానికి వస్తే దసరా సెలవులు సాధారణంగా ఒక వారం నుంచి పది రోజుల వరకు ఉంటాయి. అలాగే వేసవి సెలవులు, ఇతర స్థానిక సెలవులు కలుపుకుంటే విద్యార్థులకు సంవత్సరానికి సుమారు 100 రోజులకు పైగా సెలవులు లభించే అవకాశం ఉంది.

ఈ కొత్త సెలవుల క్యాలెండర్‌తో ఉద్యోగులు, తల్లిదండ్రులు ముందుగానే తమ వార్షిక ప్రణాళికలు రూపొందించుకోవచ్చు. ముఖ్యంగా దీర్ఘ కాల సెలవులు (లాంగ్ వీకెండ్స్) వచ్చే తేదీలను గమనించి ప్రయాణాలు ప్లాన్ చేసుకోవచ్చు.

ఇది కూడా చదవండి..: Shukra Maudhyam 2025 | శుభకార్యాలకు సుదీర్ఘ విరామం.. శుక్ర మౌఢ్యం నిజంగా అశుభ కాలమేనా..!

మమ్మల్ని సోషల్ మీడియాలో Follow చేయండి : Whatsapp, Facebook, Twitter, Arattai
November 28, 2025,10:57 pm
HMDA lands | ఎకరం భూమి అక్షరాల రూ. 151 కోట్లు.. రికార్డు స్థాయిలో పలికిన ధర.. ఎక్కడో తెలుసా..!

తెలుగున్యూస్టుడే, ఇంటర్నెట్ డెస్క్: HMDA lands | ఎకరం భూమి ప్రైమ్ ఏరియాలో అయితే రూ. 30 కోట్ల నుంచి రూ. 50 కోట్ల పలుకుతుంది. కానీ అక్కడ ఏకంగా రూ. 151 కోట్ల పలికిందంటే డిమాండ్ ఏ విధంగా అర్థం చేసుకోవచ్చు. ఇంతకీ ఇంత కాస్లీ ల్యాండ్ ఎక్కడ అనుకుంటున్నారా.. ఇంకెక్కడ కోకాపేట. రంగారెడ్డి జిల్లా గండిపేట మండలం కోకాపేట (Kokapet) ప్రాంతంలోని నియోపోలిస్ (Neopolis) లేఅవుట్‌లో హైదరాబాద్ మెట్రోపాలిటన్ డెవలప్‌మెంట్ అథారిటీ (హెచ్‌ఎండీఏ) నిర్వహించిన ఈ-వేలం సంచలనం సృష్టించింది. శుక్రవారం జరిగిన ఈ వేలంలో ఒక ఎకరం భూమి రూ.151.25 కోట్లకు చేరుకుని హైదరాబాద్ చరిత్రలోనే అత్యధిక ధరగా నమోదైంది.

HMDA lands | రికార్డుస్థాయి ధర

ప్లాట్ నంబర్ 15లోని 4.03 ఎకరాలను లక్ష్మీనారాయణ కంపెనీ ఒక ఎకరం రూ.151.25 కోట్ల చొప్పున కైవసం చేసుకుంది. అదే లేఅవుట్‌లోని ప్లాట్ నంబర్ 16లో ఉన్న 5.03 ఎకరాలను గోద్రెజ్ ప్రాపర్టీస్ ఎకరం రూ.147.75 కోట్ల చొప్పున సొంతం చేసుకుంది. ఈ రెండు ప్లాట్లలో మొత్తం 9.06 ఎకరాలకు గాను రాష్ట్ర ప్రభుత్వానికి రూ.1,353 కోట్ల ఆదాయం సమకూరింది. వేలం ప్రారంభ ధర ఎకరాకు రూ.99 కోట్లుగా నిర్ణయించినప్పటికీ, తీవ్ర పోటీ కారణంగా ధర రికార్డు స్థాయికి చేరింది. ఉదయం 11 గంటలకు మొదలైన వేలం ప్రక్రియ సాయంత్రం 6 గంటల వరకు సాగింది.

HMDA lands | నాలుగు రోజుల వ్యవధిలోనే..

కేవలం నాలుగు రోజుల వ్యవధిలోనే రెండోసారి రికార్డు బద్దలైంది. ఈ నెల 24వ తేదీన అదే నియోపోలిస్ లేఅవుట్‌లోని ప్లాట్ నంబర్ 18 ఎకరాకు రూ.137.25 కోట్లు పలకగా, ఇప్పుడు మరో రూ.14 కోట్లు అధికంగా నమోదు కావడం హైదరాబాద్ రియల్ ఎస్టేట్ మార్కెట్ ఎంత వేగంగా ఎదుగుతోందన్నది స్పష్టం చేస్తోంది.

తదుపరి వేలం పాటలకు కూడా సన్నాహాలు పూర్తయ్యాయి. డిసెంబరు 3న నియోపోలిస్‌లోని ప్లాట్ నంబర్ 19, 20లలో మొత్తం 8 ఎకరాలకు పైగా భూమిని రాష్ట్ర ప్రభుత్వం వేలం వేయనుంది. అదే విధంగా డిసెంబరు 5న కోకాపేట గోల్డెన్ మైల్ లేఅవుట్‌లో 1.98 ఎకరాలను విక్రయించనున్నారు.

HMDA lands | రూ. వేల కోట్ల ఆదాయం..

హెచ్‌ఎండీఏకు భవన నిర్మాణ అనుమతులు, లేఅవుట్ అనుమతుల కోసం వస్తున్న దరఖాస్తుల సంఖ్య గణనీయంగా పెరుగుతోంది. ఈ ఏడాది ఇప్పటికే సంస్థకు రూ.వెయ్యి కోట్లకు పైగా ఆదాయం వచ్చింది. కొత్త ఏడాదిలో రంగారెడ్డి, మేడ్చల్-మల్కాజ్‌గిరి, మెదక్ జిల్లాల్లోని బైరాగిగూడ, చందానగర్, పుప్పాలగూడ, బౌరంపేట్, చెంగిచర్ల, బాచుపల్లి, సూరారం వంటి ప్రాంతాల్లో ఉన్న విలువైన భూములను వేలం వేయనుండడంతో మొత్తం రూ.10 వేల కోట్లకు పైగా ఆదాయం సమీకరించే అవకాశం ఉందని అధికార వర్గాలు అంచనా వేస్తున్నాయి.

కోకాపేట ప్రాంతం ఇప్పుడు దేశంలోనే అత్యంత ఖరీదైన రియల్ ఎస్టేట్ హాట్‌స్పాట్‌గా మారింది. ఈ రికార్డు ధరలు హైదరాబాద్ స్థిరాస్తి మార్కెట్‌కు కొత్త ఊపిరి పోస్తున్నాయని నిపుణులు అభిప్రాయపడుతున్నారు.

ఇది కూడా చదవండి..: sweet corn benefits | చలికాలంలో వేడివేడి స్వీట్ కార్న్.. రుచితో పాటు ఆరోగ్యం..

మమ్మల్ని సోషల్ మీడియాలో Follow చేయండి : Whatsapp, Facebook, Twitter, Arattai

November 28, 2025,9:42 pm
Gajakesari Yoga | డిసెంబర్ 8న గజకేసరి రాజయోగం.. ఈ మూడు రాశుల వారికి పట్టిందల్లా బంగారమే..!

తెలుగున్యూస్టుడే, ఇంటర్నెట్డెస్క్: Gajakesari Yoga | జ్యోతిషశాస్త్రంలో అత్యంత శుభప్రదమైన, శక్తివంతమైన రాజయోగాలలో గజకేసరి యోగం ఒకటి. ఈ అద్భుత యోగం డిసెంబర్ 8న మళ్లీ ఏర్పడబోతోంది. ఈ రోజున చంద్రుడు తన స్వరాశి అయిన కర్కాటకంలోకి ప్రవేశిస్తాడు. ఇప్పటికే అదే రాశిలో గురుడు ఉండడంతో చంద్ర-గురు సంయోగం జరిగి గజకేసరి రాజయోగం పూర్తిగా సిద్ధమవుతుంది. ఈ అరుదైన యోగం ప్రభావంతో కొన్ని రాశుల వారికి ధనవృష్టి, ఆరోగ్యవృద్ధి, సర్వతోముఖ శ్రేయస్సు కలిగే అవకాశం ఉంది. ముఖ్యంగా మూడు రాశులకు ఈ యోగం అత్యంత శుభఫలదాయకంగా పరిణమించనుంది.

గజకేసరి యోగం ఏర్పడినప్పుడు జీవితంలో స్థిరత్వం, గౌరవం, ఆదాయ వృద్ధి, మానసిక ప్రశాంతత వంటి అనేక శుభ ఫలితాలు లభిస్తాయని జ్యోతిష శాస్త్రం చెబుతోంది. ఇప్పుడు ఈ యోగం వల్ల అత్యధిక లాభం పొందబోయే మూడు రాశుల గురించి వివరంగా తెలుసుకుందాం..

Gajakesari Yoga | మిథున రాశి

మిథున రాశి వారికి డిసెంబర్ 8 తర్వాత ఆర్థిక ఇబ్బందులు గణనీయంగా తగ్గనున్నాయి. దీర్ఘకాలంగా ఇబ్బంది పెట్టిన అప్పుల నుంచి విముక్తి లభిస్తుంది. ఆదాయ మార్గాలు విస్తరిస్తాయి. వ్యాపార, ఉద్యోగ రంగాల్లో ఊహించిన దానికంటే మెరుగైన ఫలితాలు వస్తాయి. చేపట్టిన ప్రతి పని కూడా సకాలంలో పూర్తవుతుంది. సమాజంలో మీ గౌరవం, పలుకుబడి పెరుగుతుంది. ఇంటి వాతావరణం సంతోషంగా, సౌమ్యంగా ఉంటుంది.

Gajakesari Yoga | కర్కాటక రాశి

ఈ గజకేసరి యోగం కర్కాటక రాశి వారికి స్వయంగా జరుగుతుంది. కాబట్టి దీని ప్రభావం అత్యంత తీవ్రంగా ఉంటుంది. ఆర్థికంగా బలమైన స్థితి ఏర్పడుతుంది. అకస్మాత్తుగా ధనలాభం, ఆస్తి విషయాల్లో శుభవార్తలు వినిపిస్తాయి. కుటుంబంలో ఐకమత్యం, ఆనందం నిండుతాయి. విద్యార్థులకు పరీక్షల్లో రాణించే అవకాశం, పోటీ పరీక్షల్లో ఉన్నత ర్యాంకులు సాధించే యోగం కలిసివస్తుంది. ఏ పని చేపట్టినా అడ్డంకులు తొలగి సునాయాసంగా పూర్తవుతాయి.

Gajakesari Yoga | కన్యా రాశి

కన్యా రాశి వారికి ఈ యోగం ఆరోగ్యం, ధనం, సంతానం, వైవాహిక జీవితం రంగాల్లో అద్భుత ఫలితాలను ఇస్తుంది. దీర్ఘకాలిక అనారోగ్య సమస్యల నుంచి శాశ్వత విముక్తి లభిస్తుంది. ఇంట శుభకార్యాలకు అవకాశాలు పుష్కలంగా ఉన్నాయి. అవివాహితులకు మంచి సంబంధాలు వచ్చి వివాహం కుదిరే అవకాశం బలంగా కనిపిస్తోంది. వ్యాపారులకు ఊహించని లాభాలు, కొత్త ఒప్పందాలు, ఆర్థిక లావాదేవీలు సానుకూలంగా పూర్తవుతాయి. మొత్తంమ్మీద ఈ రాశి వారి జీవితంలో సువర్ణ అధ్యాయం మొదలుకానుంది.

గమనిక : మేం అందించిన ఈ సమాచారం కేవలం మీ అవగాహన కోసం మాత్రమే. ఇది మత విశ్వాసాలపై ఆధారపడి ఉంటుంది. ఇంటర్నెట్లో లభించిన సమాచారం ఆధారంగా దీనిని ప్రచురించాం. వీటికి శాస్త్రీయ ఆధారాలు లేవు. తెలుగున్యూస్టుడే వీటిని ధృవీకరించడం లేదు. వీటిని ఎంత వరకు విశ్వసించాలనేది మీ వ్యక్తిగతం.

ఇది కూడా చదవండి..: Shukra Maudhyam 2025 | శుభకార్యాలకు సుదీర్ఘ విరామం.. శుక్ర మౌఢ్యం నిజంగా అశుభ కాలమేనా..!

మమ్మల్ని సోషల్ మీడియాలో Follow చేయండి : Whatsapp, Facebook, Twitter, Arattai

November 28, 2025,8:42 pm
Shukra Maudhyam 2025 | శుభకార్యాలకు సుదీర్ఘ విరామం.. శుక్ర మౌఢ్యం నిజంగా అశుభ కాలమేనా..!

తెలుగున్యూస్టుడే, ఇంటర్నెట్డెస్క్: Shukra Maudhyam 2025 | జ్యోతిష్య శాస్త్రంలో శుక్రుడు అత్యంత ముఖ్యమైన గ్రహంగా పరిగణించబడతాడు. సుఖం, సంతోషం, వైవాహిక జీవితం, సంపద, సౌందర్యం, కళలు, విలాసాలు.. ఇవన్నీ శుక్రుని ఆధీనంలో ఉంటాయి. అయితే ఈ శుక్ర గ్రహం కొన్ని రోజుల పాటు సూర్యునికి అత్యంత సమీపంలోకి వచ్చి, భూమి నుంచి చూసినప్పుడు దాదాపు కనిపించని స్థితికి చేరుకుంటాడు. ఈ కాలాన్నే ‘శుక్ర మౌఢ్యం’ (Shukra Maudhyam) అంటారు. ఈ సమయంలో శుక్రుడు తన సహజ బలాన్ని, ప్రకాశాన్ని కోల్పోయినట్టు భావించి, అతని ప్రభావం బాగా తగ్గిపోతుందని పండితుల అభిప్రాయం.

2025 సంవత్సరంలో ఈ శుక్ర మౌఢ్యం (Shukra Maudhyam) నవంబరు 26 నుంచి ప్రారంభమై.. 2026 ఫిబ్రవరి 7 లేదా 17వ తేదీ వరకు (వివిధ పంచాంగాల ప్రకారం స్వల్ప తేడా ఉండవచ్చు) సుమారు 83 రోజుల పాటు కొనసాగనుంది. ఈ దీర్ఘ వ్యవధి మూలంగా దాదాపు రెండున్నర నెలల పాటు శుభకార్యాలకు ‘లాంగ్ బ్రేక్’ ఏర్పడనుంది.

Shukra Maudhyam 2025 | ఈ కాలంలో శుభకార్యాలు ఎందుకు ఉండవంటే..

జ్యోతిష్య శాస్త్రంలో గురు, శుక్ర గ్రహాలు సూర్యుడికి చాలా దగ్గరలో ఉన్నప్పుడు వాటి శక్తి తాత్కాలికంగా క్షీణిస్తుందని భావిస్తారు. ముఖ్యంగా శుక్రుడు సంపూర్ణంగా బలహీనుడైన ఈ మౌఢ్య సమయంలో వివాహం, గృహప్రవేశం, సీమంతం, అక్షరాభ్యాసం, కొత్త వ్యాపార ప్రారంభం, భూమి పూజ, బావి తవ్వడం, వాహన కొనుగోలు వంటి మంగళ కార్యాలు చేయడం శ్రేయస్కరం కాదని పెద్దలు చెబుతుంటారు. ఎందుకంటే ఈ కార్యాలు శుక్రుడి అనుగ్రహంపై ఎక్కువగా ఆధారపడి ఉంటాయి. శుక్రుడు బలహీనుడైతే ఆ కార్యాలు దీర్ఘకాలంలో కష్టాలు, అవాంఛిత ఫలితాలు ఇవ్వవచ్చని ప్రజలు ఆందోళన చెందుతారు.

Shukra Maudhyam 2025 | ఏం చేయవచ్చు.. ఏం చేయకూడదు?

ఈ కాలం పూర్తిగా నిషేధం అని కాదు. నిత్య పూజలు, దైనందిన ధార్మిక కర్మలు, శివాభిషేకం, లక్ష్మీ పూజ, గణపతి హోమం, కొన్ని ప్రత్యేక వ్రతాలు (ఉదా: వైకుంఠ ఏకాదశి, మకర సంక్రాంతి వంటివి) సాధారణంగా చేసుకోవచ్చు. గ్రహశాంతి, నవగ్రహ హోమాది జప-తప-హోమాలు కూడా అనుమతించబడతాయి. కానీ కొత్తగా మంగళ కార్యాలు ప్రారంభించడం, ముహూర్తాలు పెట్టడం మాత్రం పూర్తిగా వాయిదా వేయడమే మంచిదని పండితులు సూచిస్తున్నారు.

Shukra Maudhyam 2025 | మౌఢ్యం అంటే ఏమిటి?

ఖగోళ శాస్త్ర దృక్కోణంలో చూస్తే శుక్రుడు సూర్యుడి చుట్టూ తిరుగుతూ, భూమి-సూర్యుడి మధ్యలోకి వచ్చినప్పుడు భూమి నుంచి చూస్తే సూర్యకాంతిలో దాక్కొని కనిపించడు. దీన్నే ‘అధిక మౌఢ్యం’ (Superior Conjunction) అంటారు. ఈ సమయంలో శుక్రుడు వెనుకకు (రెట్రోగ్రేడ్) కదులుతున్నట్టు కనిపిస్తాడు కాబట్టి జ్యోతిష్యంలో దీనిని ‘మౌఢ్యం’గా పరిగణిస్తారు.

జ్యోతిష్యంలో ఇది శుక్రుడి బలహీన కాలంగా గుర్తించబడుతుంది. అందుకే శుభకార్యాలను ఈ 83 రోజుల పాటు వాయిదా వేయడం మంచిదని పండితులు చెబుతున్నారు.

గమనిక : మేం అందించిన ఈ సమాచారం కేవలం మీ అవగాహన కోసం మాత్రమే. ఇది మత విశ్వాసాలపై ఆధారపడి ఉంటుంది. ఇంటర్నెట్లో లభించిన సమాచారం ఆధారంగా దీనిని ప్రచురించాం. వీటికి శాస్త్రీయ ఆధారాలు లేవు. తెలుగున్యూస్టుడే వీటిని ధృవీకరించడం లేదు. వీటిని ఎంత వరకు విశ్వసించాలనేది మీ వ్యక్తిగతం.

మమ్మల్ని సోషల్ మీడియాలో Follow చేయండి : Whatsapp, Facebook, Twitter, Arattai

November 27, 2025,9:54 pm

Author: Harsha Vardhan

BSNL 1 rupee plan | ప్రస్తుతం మరోసారి..

BSNL 1 rupee plan | ఈ ప్లాన్‌లో లభించే ప్రయోజనాలు

BSNL 1 rupee plan | డిసెంబర్​ 31 వరకు..

Winter Asthma Care Tips | చలికాలంలో పాటించాల్సిన జాగ్రత్తలు

Winter Asthma Care Tips | ఉదయం త్వరగా బయటకు రావద్దు

Winter Asthma Care Tips | గోరువెచ్చని నీరు తాగండి

ఇన్‌హేలర్‌ను సిద్ధంగా ఉంచుకోండి

శ్వాస వ్యాయామాలు ఆచరించండి

ఇన్ఫెక్షన్ల నుంచి రక్షణ

కెఫీన్‌కు దూరంగా ఉండండి

ఇంటి పరిసరాలు శుభ్రంగా ఉంచండి

ప్రాసెస్డ్ ఫుడ్ తగ్గించండి

Avatar 3 | టికెట్ల అడ్వాన్స్ బుకింగ్ తేదీ నిర్ణయం

Avatar 3 | IMAX వెర్షన్​ కసం..

Avatar 3 | జేమ్స్ కామెరూన్ సంచలన ప్రకటన

Samantha Marriage | ఎరుపు రంగు చీరలో సమంత

Samantha Marriage | ‘భూత శుద్ధి వివాహం’గా..

Samantha Marriage | గతే రెండేళ్లు వీరి మధ్య స్నేహం

India Q2 GDP | గణాంకాలపై ఓ లుక్కేయండి..

India Q2 GDP | రంగాల వారీగా పనితీరు..

India Q2 GDP | ఆ రంగంలో రెండంకెల వృద్ధి

Side Effects of Mobile Phones | కంటి ఆరోగ్యంపై తీవ్ర ప్రభావం

Side Effects of Mobile Phones | మానసిక ఆరోగ్యంపై ఎఫెక్ట్​

Side Effects of Mobile Phones | తల్లిదండ్రులు తీసుకోవాల్సిన జాగ్రత్తలు

కొన్ని ముఖ్యమైన సూచనలు..

2026 Holidays List | 2026 సెలవుల జాబితా విడుదల

సెలవుల వివరాలు

HMDA lands | రికార్డుస్థాయి ధర

HMDA lands | నాలుగు రోజుల వ్యవధిలోనే..

HMDA lands | రూ. వేల కోట్ల ఆదాయం..

Gajakesari Yoga | మిథున రాశి

Gajakesari Yoga | కర్కాటక రాశి

Gajakesari Yoga | కన్యా రాశి

Shukra Maudhyam 2025 | ఈ కాలంలో శుభకార్యాలు ఎందుకు ఉండవంటే..

Shukra Maudhyam 2025 | ఏం చేయవచ్చు.. ఏం చేయకూడదు?

Shukra Maudhyam 2025 | మౌఢ్యం అంటే ఏమిటి?

BSNL 1 rupee plan | డిసెంబర్ 31 వరకు..

Avatar 3 | IMAX వెర్షన్ కసం..

Side Effects of Mobile Phones | మానసిక ఆరోగ్యంపై ఎఫెక్ట్