Penci Sport plugin only working with the Soledad theme.

telugu news today - Telugu News Today

Telugu News Today

Tag: telugu news today

  • India Q2 GDP | దూసుకుపోతున్న భారత ఆర్థిక వ్యవస్థ.. అంచనాలను మించిన జీడీపీ గణాంకాలు

    India Q2 GDP | దూసుకుపోతున్న భారత ఆర్థిక వ్యవస్థ.. అంచనాలను మించిన జీడీపీ గణాంకాలు

    తెలుగున్యూస్​టుడే, ఇంటర్నెట్​ డెస్క్​: India Q2 GDP | భారతదేశ ఆర్థిక వ్యవస్థ దూసుకెళ్తోంది. 2024-25 ఆర్థిక సంవత్సరం రెండో త్రైమాసికం (జులై-సెప్టెంబర్) (India Q2 GDP) జీడీపీ గణాంకాలు తాజాగా విడుదలయ్యాయి. అనేక మంది ఆర్థిక నిపుణుల అంచనాలను మించి, ఈ త్రైమాసికంలో భారత్ రియల్ జీడీపీ వృద్ధి రేటు 8.2 శాతంగా నమోదు కావడం దేశ ఆర్థిక బలోపేతాన్ని స్పష్టంగా తెలియజేస్తోంది.

    ఈ ఘనత సాధించడానికి ప్రధాన కారకాలుగా దేశీయ వినియోగదారుల ఖర్చు (డిమాండ్) బలోపేతం కావడం, తయారీ రంగంలో పురోగతి సాధించడం పనిచేశాయి. ముఖ్యంగా ప్రపంచ వాణిజ్యంలో నెలకొన్న అనిశ్చితులు, భౌగోళిక రాజకీయ ఒడిదొడుకులు ఉన్నప్పటికీ ఈ స్థాయి వృద్ధిని నమోదు చేసుకోవడం భారత ఆర్థిక వ్యవస్థ స్థిరత్వాన్ని, దాని స్వతంత్ర డ్రైవ్‌ను చాటి చెబుతోంది.

    India Q2 GDP

    India Q2 GDP | గణాంకాలపై ఓ లుక్కేయండి..

    • రెండో త్రైమాసికం రియల్ జీడీపీ వృద్ధి: 8.2 శాతం
    • నామినల్ జీడీపీ వృద్ధి: 8.7 శాతం
    • మొదటి అర్ధ సంవత్సరం (ఏప్రిల్-సెప్టెంబర్) సగటు రియల్ జీడీపీ వృద్ధి: 8.0 శాతం
      (గత ఏడాది ఇదే కాలంలో 6.1 శాతం మాత్రమే)

    India Q2 GDP | రంగాల వారీగా పనితీరు..

    • తయారీ రంగం: 9.1 శాతం
    • నిర్మాణ రంగం: 7.2 శాతం
    • ఆర్థిక సేవలు, రియల్ ఎస్టేట్ & ప్రొఫెషనల్ సర్వీసెస్: 10.2 శాతం
    • వ్యవసాయం & సంబంధిత రంగాలు: 3.5 శాతం
    • విద్యుత్, గ్యాస్, నీటి సరఫరా మొదలైన యుటిలిటీ సేవలు: 4.4 శాతం

    India Q2 GDP

    India Q2 GDP | ఆ రంగంలో రెండంకెల వృద్ధి

    తయారీ రంగంతో పాటు సేవల రంగంలోని ఆర్థిక సేవలు, రియల్ ఎస్టేట్, వృత్తిపరమైన సేవలు రెండంకెల వృద్ధిని సాధించి మొత్తం ఆర్థిక వ్యవస్థను ముందుకు నడిపించాయి. మొత్తం గ్రాస్ వాల్యూ యాడెడ్ (GVA) వృద్ధి 8.1 శాతంగా నమోదు కాగా.. వ్యవసాయ రంగంలో కొంత మందగమనం కనిపించింది.

    ఈ అద్భుత ప్రదర్శన ద్వారా భారత్ మరోసారి ప్రపంచంలోనే అత్యంత వేగంగా అభివృద్ధి చెందుతున్న పెద్ద ఆర్థిక వ్యవస్థగా తన స్థానాన్ని బలంగా నిలబెట్టుకుంది. దేశీయ డిమాండ్, పెట్టుబడులు, ఉత్పాదక రంగాల సమ్మిళిత ప్రయత్నంతో ఈ విజయం సాధ్యమైందని ఆర్థిక విశ్లేషకులు అభిప్రాయపడుతున్నారు.

    ఇది కూడా చదవండి..:  2026 Holidays List | 2026 సెలవుల జాబితా విడుదల.. మొత్తం ఎన్ని రోజులు హాలీడేస్​ అంటే..!

  • Side Effects of Mobile Phones | స్మార్ట్‌ఫోన్లలో బందీ అవుతున్న బాల్యం.. తల్లిదండ్రులు ఈ జాగ్రత్తలు పాటించాలంటున్న నిపుణులు

    Side Effects of Mobile Phones | స్మార్ట్‌ఫోన్లలో బందీ అవుతున్న బాల్యం.. తల్లిదండ్రులు ఈ జాగ్రత్తలు పాటించాలంటున్న నిపుణులు

    తెలుగున్యూస్​టుడే, ఇంటర్నెట్​ డెస్క్​: Side Effects of Mobile Phones | గతంలో పిల్లలకు అన్నం తినిపించేటప్పుడు జానపద కథలు, జోలపాటలు, ఊయలలూగిస్తూ ఆడించేవారు. కానీ ఈ రోజుల్లో ఆ ఓపిక తల్లిదండ్రులకు లేకపోవడం, లేదా ఇంటర్నెట్ యుగంలో పిల్లల్ని నిశ్శబ్దంగా ఉంచే సులభమైన మార్గంగా స్మార్ట్‌ఫోన్‌ను ఇచ్చేస్తున్నారు. ఫలితంగా చిన్న పిల్లల చేతిలో ఎప్పుడూ మొబైల్ ఫోన్ ఉంటూ, యూట్యూబ్ షార్ట్స్, ఇన్‌స్టాగ్రామ్ రీల్స్‌లో మునిగిపోతున్న దృశ్యం ప్రతి ఇంటా కనిపిస్తోంది. ఇది పిల్లల శారీరక, మానసిక, మేధో అభివృద్ధిని తీవ్రంగా దెబ్బతీస్తోందని పలు అధ్యయనాలు, వైద్య నిపుణులు హెచ్చరిస్తున్నారు. ముఖ్యంగా పదేళ్ల లోపు పిల్లలు ఈ డిజిటల్ వ్యసనానికి ఎక్కువగా బలవుతున్నారు.

    Side Effects of Mobile Phones | కంటి ఆరోగ్యంపై తీవ్ర ప్రభావం

    అధిక స్క్రీన్ టైం వల్ల పిల్లల్లో కంటి సమస్యలు ఆందోళనకరంగా పెరుగుతున్నాయి. కళ్లు పొడిబారడం, ఎర్రబారడం, నీళ్లు కారడం, తలనొప్పి, కంటి మంట – ఇవన్నీ సాధారణ లక్షణాలుగా మారాయి. అతి చిన్న వయసులోనే మయోపియా (దూరదృష్టి లోపం) పెరుగుతోంది. నిపుణుల అంచనా ప్రకారం.. పదేళ్ల లోపు పిల్లల్లో సగం మందికి పైగా దృష్టి సంబంధిత ఇబ్బందులు ఎదురవుతున్నాయి. ఎనిమిదేళ్ల వరకు కంటి అభివృద్ధి కొనసాగుతుంది. ఈ కీలక దశలో మొబైల్ స్క్రీన్ నుంచి వెలువడే బ్లూ లైట్ రెటీనాపై తీవ్ర ప్రతికూల ప్రభావం చూపుతుందని డాక్టర్లు హెచ్చరిస్తున్నారు. దీర్ఘకాలంలో ఇది శాశ్వత దృష్టి లోపాలకు దారితీస్తుంది.

    Side Effects of Mobile Phones | మానసిక ఆరోగ్యంపై ఎఫెక్ట్​

    స్క్రీన్ అడిక్షన్ కేవలం కళ్లకే పరిమితం కాదు. అమెరికాకు చెందిన నేషనల్ లైబ్రరీ ఆఫ్ మెడిసిన్ అధ్యయనాలు పేర్కొన్నట్లు, పిల్లల్లో మొబైల్ వాడకం అధికమైతే ఆందోళన, నిరాశ, ప్రవర్తనా రుగ్మతలు పెరుగుతాయి. సృజనాత్మకత, స్వతంత్ర ఆలోచనా శక్తి క్రమంగా తగ్గిపోతాయి. ఎప్పుడూ షార్ట్ వీడియోలు చూస్తూ ఉండడం వల్ల శ్రద్ధావ్యవధి (attention span) తగ్గుతుంది, ఏకాగ్రత లోపిస్తుంది. ఇది విద్యార్థుల పరిణామాలపై కూడా ప్రతికూల ప్రభావం చూపుతుంది.

    Side Effects of Mobile Phones | తల్లిదండ్రులు తీసుకోవాల్సిన జాగ్రత్తలు

    నిపుణులు స్పష్టంగా చెబుతున్న ఒక్కటే మాట – ముఖ్యంగా ఐదేళ్ల లోపు పిల్లలకు స్మార్ట్‌ఫోన్‌ను పూర్తిగా దూరంగా ఉంచాలి. ఆ తర్వాత కూడా నియంత్రితంగా, పర్యవేక్షణలో మాత్రమే అనుమతించాలి.

    కొన్ని ముఖ్యమైన సూచనలు..

    • రంగురంగుల పుస్తకాలు, ఆట వస్తువులు, పజిల్స్, బొమ్మలతో ఆడుకునేలా ప్రోత్సహించండి.
    • పిల్లలకు ఏ విషయంపై ఆసక్తి ఉందో గమనించి, ఆ దిశగా మళ్లించండి
    • డ్రాయింగ్, సంగీతం, నృత్యం, క్రీడలు లేదా ఏదైనా సృజనాత్మక కార్యకలాపాలు.
    • తల్లిదండ్రులు ముందు ఆదర్శంగా ఉండాలి. మీరే భోజనం చేస్తూ, మాట్లాడుతూ ఫోన్ పట్టుకుంటే పిల్లలు కూడా అదే అలవాటు చేసుకుంటారు.
    • ప్రతిరోజూ కనీసం ఒక గంట సేపయినా బయట ఆటలు ఆడేలా, పరుగులు పెట్టేలా, శారీరక శ్రమ ఉండేలా చూడండి.
    • ఇంట్లో ‘స్క్రీన్ ఫ్రీ జోన్స్’ (భోజనాల సమయం, పడుకునే గది) ఏర్పాటు చేయండి.

    చివరగా.. ఈ డిజిటల్ యుగంలో స్మార్ట్‌ఫోన్‌ను పూర్తిగా నిషేధించడం కష్టమే అయినప్పటికీ, బాల్యాన్ని రక్షించడం తల్లిదండ్రుల బాధ్యత. పిల్లల చేతిలో ఫోన్ ఉంచి నిశ్శబ్దం కొనుగోలు చేయడం కంటే, కొంచెం సమయం కేటాయించి వారితో గడిపిన ప్రతి నిమిషం భవిష్యత్తులో ఎంతో విలువైనదిగా మిగిలిపోతుంది.

    గమనిక: ఈ వ్యాసంలో పేర్కొన్న సమాచారం వైద్య నిపుణులు, అధ్యయనాల ఆధారంగా అందించబడింది. ఏదైనా ఆరోగ్య సమస్య ఉంటే తప్పనిసరిగా పిల్లల వైద్యుడిని సంప్రదించి సలహా తీసుకోగలరు.

    ఇది కూడా చదవండి..: Winter Skin Care Tips | చలికాలంలో చర్మం పొడిబారుతుందా.. ఈ చిట్కాలు పాటిస్తే నిగనిలాడుతుంది..!

    మమ్మల్ని సోషల్ మీడియాలో Follow చేయండి : Whatsapp, Facebook, Twitter, Arattai

  • 2026 Holidays List | 2026 సెలవుల జాబితా విడుదల.. మొత్తం ఎన్ని రోజులు హాలీడేస్​ అంటే..!

    2026 Holidays List | 2026 సెలవుల జాబితా విడుదల.. మొత్తం ఎన్ని రోజులు హాలీడేస్​ అంటే..!

    తెలుగున్యూస్​టుడే, ఇంటర్నెట్​ డెస్క్​: 2026 Holidays List | కొత్త సంవత్సరంలో కొన్ని రోజుల్లో అడుగుపెట్టనున్నాం. ఈ నేపథ్యంలో కేంద్ర ప్రభుత్వం తన ఉద్యోగులకు వర్తించే 2026 సంవత్సరం సెలవుల జాబితాను (2026 Holidays List) అధికారికంగా ప్రకటించింది. ప్రయాణాలు, కుటుంబ కార్యక్రమాలు లేదా వ్యక్తిగత పనుల కోసం ముందుగానే ప్లాన్ చేసుకునే వారికి ఈ క్యాలెండర్ ఎంతో ఉపయోగకరంగా ఉంటుంది. 2025తో పోల్చితే 2026లో సెలవుల గణనీయంగా పెరగడం ఉద్యోగులు, తల్లిదండ్రులకు సంతోషాన్ని కలిగించింది.

    కేంద్ర ప్రభుత్వం ప్రకటించిన జాబితా ప్రకారం 2026లో మొత్తం 14 తప్పనిసరి (గెజిటెడ్) సెలవులు, 12 ఐచ్ఛిక (రెస్ట్రిక్టెడ్) సెలవులు ఉంటాయి. ఇవి కాకుండా ప్రతి నెలలోని రెండో శనివారాలు (12 రోజులు), అన్ని ఆదివారాలు (52 రోజులు) కూడా సెలవులుగానే పరిగణించబడతాయి.

    2026 Holidays List

    2026 Holidays List | 2026 సెలవుల జాబితా విడుదల

    సెలవుల వివరాలు

    • జనవరి 1 – నూతన సంవత్సర దినోత్సవం
    • జనవరి 14 – మకర సంక్రాంతి / పొంగల్
    • జనవరి 23 – వసంత పంచమి
    • జనవరి 26 – గణతంత్ర దినోత్సవం
    • ఫిబ్రవరి 1 – గురు రవిదాస్ జయంతి
    • ఫిబ్రవరి 15 – మహా శివరాత్రి
    • ఫిబ్రవరి 19 – ఛత్రపతి శివాజీ మహారాజ్ జయంతి
    • మార్చి 4 – హోలీ
    • మార్చి 19 – తెలుగు ఉగాది
    • మార్చి 21 – ఈదుల్ ఫితర్ (రంజాన్)
    • మార్చి 26 – శ్రీరామ నవమి
    • మార్చి 31 – మహావీర్ జయంతి
    • ఏప్రిల్ 3 – గుడ్ ఫ్రైడే
    • ఏప్రిల్ 5 – ఈస్టర్ సండే
    • ఏప్రిల్ 14 – డా. బి.ఆర్. అంబేద్కర్ జయంతి
    • మే 1 – బుద్ధ పౌర్ణమి
    • మే 27 – బక్రీద్
    • జూన్ 26 – మొహర్రం
    • ఆగస్టు 15 – స్వాతంత్ర్య దినోత్సవం
    • ఆగస్టు 26 – మిలాద్-ఉన్-నబీ, ఓణం
    • ఆగస్టు 28 – రక్షా బంధన్
    • సెప్టెంబర్ 4 – శ్రీ కృష్ణ జన్మాష్టమి
    • సెప్టెంబర్ 14 – వినాయక చతుర్థి
    • అక్టోబర్ 2 – మహాత్మా గాంధీ జయంతి
    • అక్టోబర్ 18, 19, 20 – దసరా సెలవులు (విజయదశమి సహా)
    • నవంబర్ 8 – దీపావళి
    • నవంబర్ 15 – ఛత్ పూజ
    • నవంబర్ 24 – గురు నానక్ జయంతి
    • డిసెంబర్ 25 – క్రిస్మస్

    పాఠశాలల విషయానికి వస్తే దసరా సెలవులు సాధారణంగా ఒక వారం నుంచి పది రోజుల వరకు ఉంటాయి. అలాగే వేసవి సెలవులు, ఇతర స్థానిక సెలవులు కలుపుకుంటే విద్యార్థులకు సంవత్సరానికి సుమారు 100 రోజులకు పైగా సెలవులు లభించే అవకాశం ఉంది.

    ఈ కొత్త సెలవుల క్యాలెండర్‌తో ఉద్యోగులు, తల్లిదండ్రులు ముందుగానే తమ వార్షిక ప్రణాళికలు రూపొందించుకోవచ్చు. ముఖ్యంగా దీర్ఘ కాల సెలవులు (లాంగ్ వీకెండ్స్) వచ్చే తేదీలను గమనించి ప్రయాణాలు ప్లాన్​ చేసుకోవచ్చు.

    ఇది కూడా చదవండి..: Shukra Maudhyam 2025 | శుభకార్యాలకు సుదీర్ఘ విరామం.. శుక్ర మౌఢ్యం నిజంగా అశుభ కాలమేనా..!

    మమ్మల్ని సోషల్ మీడియాలో Follow చేయండి : Whatsapp, Facebook, Twitter, Arattai

  • HMDA lands | ఎకరం భూమి అక్షరాల రూ. 151 కోట్లు.. రికార్డు స్థాయిలో పలికిన ధర.. ఎక్కడో తెలుసా..!

    HMDA lands | ఎకరం భూమి అక్షరాల రూ. 151 కోట్లు.. రికార్డు స్థాయిలో పలికిన ధర.. ఎక్కడో తెలుసా..!

    తెలుగున్యూస్​టుడే, ఇంటర్నెట్​ డెస్క్​: HMDA lands | ఎకరం భూమి ప్రైమ్​ ఏరియాలో అయితే రూ. 30 కోట్ల నుంచి రూ. 50 కోట్ల పలుకుతుంది. కానీ అక్కడ ఏకంగా రూ. 151 కోట్ల పలికిందంటే డిమాండ్​ ఏ విధంగా అర్థం చేసుకోవచ్చు. ఇంతకీ ఇంత కాస్లీ ల్యాండ్​ ఎక్కడ అనుకుంటున్నారా.. ఇంకెక్కడ కోకాపేట. రంగారెడ్డి జిల్లా గండిపేట మండలం కోకాపేట (Kokapet) ప్రాంతంలోని నియోపోలిస్ (Neopolis) లేఅవుట్‌లో హైదరాబాద్ మెట్రోపాలిటన్ డెవలప్‌మెంట్ అథారిటీ (హెచ్‌ఎండీఏ) నిర్వహించిన ఈ-వేలం సంచలనం సృష్టించింది. శుక్రవారం జరిగిన ఈ వేలంలో ఒక ఎకరం భూమి రూ.151.25 కోట్లకు చేరుకుని హైదరాబాద్ చరిత్రలోనే అత్యధిక ధరగా నమోదైంది.

    HMDA lands | రికార్డుస్థాయి ధర

    ప్లాట్ నంబర్ 15లోని 4.03 ఎకరాలను లక్ష్మీనారాయణ కంపెనీ ఒక ఎకరం రూ.151.25 కోట్ల చొప్పున కైవసం చేసుకుంది. అదే లేఅవుట్‌లోని ప్లాట్ నంబర్ 16లో ఉన్న 5.03 ఎకరాలను గోద్రెజ్ ప్రాపర్టీస్ ఎకరం రూ.147.75 కోట్ల చొప్పున సొంతం చేసుకుంది. ఈ రెండు ప్లాట్లలో మొత్తం 9.06 ఎకరాలకు గాను రాష్ట్ర ప్రభుత్వానికి రూ.1,353 కోట్ల ఆదాయం సమకూరింది. వేలం ప్రారంభ ధర ఎకరాకు రూ.99 కోట్లుగా నిర్ణయించినప్పటికీ, తీవ్ర పోటీ కారణంగా ధర రికార్డు స్థాయికి చేరింది. ఉదయం 11 గంటలకు మొదలైన వేలం ప్రక్రియ సాయంత్రం 6 గంటల వరకు సాగింది.

    HMDA lands

    HMDA lands | నాలుగు రోజుల వ్యవధిలోనే..

    కేవలం నాలుగు రోజుల వ్యవధిలోనే రెండోసారి రికార్డు బద్దలైంది. ఈ నెల 24వ తేదీన అదే నియోపోలిస్ లేఅవుట్‌లోని ప్లాట్ నంబర్ 18 ఎకరాకు రూ.137.25 కోట్లు పలకగా, ఇప్పుడు మరో రూ.14 కోట్లు అధికంగా నమోదు కావడం హైదరాబాద్ రియల్ ఎస్టేట్ మార్కెట్ ఎంత వేగంగా ఎదుగుతోందన్నది స్పష్టం చేస్తోంది.

    తదుపరి వేలం పాటలకు కూడా సన్నాహాలు పూర్తయ్యాయి. డిసెంబరు 3న నియోపోలిస్‌లోని ప్లాట్ నంబర్ 19, 20లలో మొత్తం 8 ఎకరాలకు పైగా భూమిని రాష్ట్ర ప్రభుత్వం వేలం వేయనుంది. అదే విధంగా డిసెంబరు 5న కోకాపేట గోల్డెన్ మైల్ లేఅవుట్‌లో 1.98 ఎకరాలను విక్రయించనున్నారు.

    HMDA lands

    HMDA lands | రూ. వేల కోట్ల ఆదాయం..

    హెచ్‌ఎండీఏకు భవన నిర్మాణ అనుమతులు, లేఅవుట్ అనుమతుల కోసం వస్తున్న దరఖాస్తుల సంఖ్య గణనీయంగా పెరుగుతోంది. ఈ ఏడాది ఇప్పటికే సంస్థకు రూ.వెయ్యి కోట్లకు పైగా ఆదాయం వచ్చింది. కొత్త ఏడాదిలో రంగారెడ్డి, మేడ్చల్-మల్కాజ్‌గిరి, మెదక్ జిల్లాల్లోని బైరాగిగూడ, చందానగర్, పుప్పాలగూడ, బౌరంపేట్, చెంగిచర్ల, బాచుపల్లి, సూరారం వంటి ప్రాంతాల్లో ఉన్న విలువైన భూములను వేలం వేయనుండడంతో మొత్తం రూ.10 వేల కోట్లకు పైగా ఆదాయం సమీకరించే అవకాశం ఉందని అధికార వర్గాలు అంచనా వేస్తున్నాయి.

    కోకాపేట ప్రాంతం ఇప్పుడు దేశంలోనే అత్యంత ఖరీదైన రియల్ ఎస్టేట్ హాట్‌స్పాట్‌గా మారింది. ఈ రికార్డు ధరలు హైదరాబాద్ స్థిరాస్తి మార్కెట్‌కు కొత్త ఊపిరి పోస్తున్నాయని నిపుణులు అభిప్రాయపడుతున్నారు.

    ఇది కూడా చదవండి..: sweet corn benefits | చలికాలంలో వేడివేడి స్వీట్ కార్న్.. రుచితో పాటు ఆరోగ్యం..

    మమ్మల్ని సోషల్ మీడియాలో Follow చేయండి : Whatsapp, Facebook, Twitter, Arattai

  • Gajakesari Yoga | డిసెంబర్ 8న గజకేసరి రాజయోగం.. ఈ మూడు రాశుల వారికి పట్టిందల్లా బంగారమే..!

    Gajakesari Yoga | డిసెంబర్ 8న గజకేసరి రాజయోగం.. ఈ మూడు రాశుల వారికి పట్టిందల్లా బంగారమే..!

    తెలుగున్యూస్​టుడే, ఇంటర్నెట్​డెస్క్​: Gajakesari Yoga | జ్యోతిషశాస్త్రంలో అత్యంత శుభప్రదమైన, శక్తివంతమైన రాజయోగాలలో గజకేసరి యోగం ఒకటి. ఈ అద్భుత యోగం డిసెంబర్ 8న మళ్లీ ఏర్పడబోతోంది. ఈ రోజున చంద్రుడు తన స్వరాశి అయిన కర్కాటకంలోకి ప్రవేశిస్తాడు. ఇప్పటికే అదే రాశిలో గురుడు ఉండడంతో చంద్ర-గురు సంయోగం జరిగి గజకేసరి రాజయోగం పూర్తిగా సిద్ధమవుతుంది. ఈ అరుదైన యోగం ప్రభావంతో కొన్ని రాశుల వారికి ధనవృష్టి, ఆరోగ్యవృద్ధి, సర్వతోముఖ శ్రేయస్సు కలిగే అవకాశం ఉంది. ముఖ్యంగా మూడు రాశులకు ఈ యోగం అత్యంత శుభఫలదాయకంగా పరిణమించనుంది.

    గజకేసరి యోగం ఏర్పడినప్పుడు జీవితంలో స్థిరత్వం, గౌరవం, ఆదాయ వృద్ధి, మానసిక ప్రశాంతత వంటి అనేక శుభ ఫలితాలు లభిస్తాయని జ్యోతిష శాస్త్రం చెబుతోంది. ఇప్పుడు ఈ యోగం వల్ల అత్యధిక లాభం పొందబోయే మూడు రాశుల గురించి వివరంగా తెలుసుకుందాం..

    Gajakesari Yoga | మిథున రాశి

    మిథున రాశి వారికి డిసెంబర్ 8 తర్వాత ఆర్థిక ఇబ్బందులు గణనీయంగా తగ్గనున్నాయి. దీర్ఘకాలంగా ఇబ్బంది పెట్టిన అప్పుల నుంచి విముక్తి లభిస్తుంది. ఆదాయ మార్గాలు విస్తరిస్తాయి. వ్యాపార, ఉద్యోగ రంగాల్లో ఊహించిన దానికంటే మెరుగైన ఫలితాలు వస్తాయి. చేపట్టిన ప్రతి పని కూడా సకాలంలో పూర్తవుతుంది. సమాజంలో మీ గౌరవం, పలుకుబడి పెరుగుతుంది. ఇంటి వాతావరణం సంతోషంగా, సౌమ్యంగా ఉంటుంది.

    Gajakesari Yoga | కర్కాటక రాశి

    ఈ గజకేసరి యోగం కర్కాటక రాశి వారికి స్వయంగా జరుగుతుంది. కాబట్టి దీని ప్రభావం అత్యంత తీవ్రంగా ఉంటుంది. ఆర్థికంగా బలమైన స్థితి ఏర్పడుతుంది. అకస్మాత్తుగా ధనలాభం, ఆస్తి విషయాల్లో శుభవార్తలు వినిపిస్తాయి. కుటుంబంలో ఐకమత్యం, ఆనందం నిండుతాయి. విద్యార్థులకు పరీక్షల్లో రాణించే అవకాశం, పోటీ పరీక్షల్లో ఉన్నత ర్యాంకులు సాధించే యోగం కలిసివస్తుంది. ఏ పని చేపట్టినా అడ్డంకులు తొలగి సునాయాసంగా పూర్తవుతాయి.

    Gajakesari Yoga | కన్యా రాశి

    కన్యా రాశి వారికి ఈ యోగం ఆరోగ్యం, ధనం, సంతానం, వైవాహిక జీవితం రంగాల్లో అద్భుత ఫలితాలను ఇస్తుంది. దీర్ఘకాలిక అనారోగ్య సమస్యల నుంచి శాశ్వత విముక్తి లభిస్తుంది. ఇంట శుభకార్యాలకు అవకాశాలు పుష్కలంగా ఉన్నాయి. అవివాహితులకు మంచి సంబంధాలు వచ్చి వివాహం కుదిరే అవకాశం బలంగా కనిపిస్తోంది. వ్యాపారులకు ఊహించని లాభాలు, కొత్త ఒప్పందాలు, ఆర్థిక లావాదేవీలు సానుకూలంగా పూర్తవుతాయి. మొత్తంమ్మీద ఈ రాశి వారి జీవితంలో సువర్ణ అధ్యాయం మొదలుకానుంది.

    గమనిక : మేం అందించిన ఈ సమాచారం కేవలం మీ అవగాహన కోసం మాత్రమే. ఇది మత విశ్వాసాలపై ఆధారపడి ఉంటుంది. ఇంటర్నెట్​లో లభించిన సమాచారం ఆధారంగా దీనిని ప్రచురించాం. వీటికి శాస్త్రీయ ఆధారాలు లేవు. తెలుగున్యూస్​టుడే వీటిని ధృవీకరించడం లేదు. వీటిని ఎంత వరకు విశ్వసించాలనేది మీ వ్యక్తిగతం.

    ఇది కూడా చదవండి..: Shukra Maudhyam 2025 | శుభకార్యాలకు సుదీర్ఘ విరామం.. శుక్ర మౌఢ్యం నిజంగా అశుభ కాలమేనా..!

    మమ్మల్ని సోషల్ మీడియాలో Follow చేయండి : Whatsapp, Facebook, Twitter, Arattai

  • Shukra Maudhyam 2025 | శుభకార్యాలకు సుదీర్ఘ విరామం.. శుక్ర మౌఢ్యం నిజంగా అశుభ కాలమేనా..!

    Shukra Maudhyam 2025 | శుభకార్యాలకు సుదీర్ఘ విరామం.. శుక్ర మౌఢ్యం నిజంగా అశుభ కాలమేనా..!

    తెలుగున్యూస్​టుడే, ఇంటర్నెట్​డెస్క్​: Shukra Maudhyam 2025 | జ్యోతిష్య శాస్త్రంలో శుక్రుడు అత్యంత ముఖ్యమైన గ్రహంగా పరిగణించబడతాడు. సుఖం, సంతోషం, వైవాహిక జీవితం, సంపద, సౌందర్యం, కళలు, విలాసాలు.. ఇవన్నీ శుక్రుని ఆధీనంలో ఉంటాయి. అయితే ఈ శుక్ర గ్రహం కొన్ని రోజుల పాటు సూర్యునికి అత్యంత సమీపంలోకి వచ్చి, భూమి నుంచి చూసినప్పుడు దాదాపు కనిపించని స్థితికి చేరుకుంటాడు. ఈ కాలాన్నే ‘శుక్ర మౌఢ్యం’ (Shukra Maudhyam) అంటారు. ఈ సమయంలో శుక్రుడు తన సహజ బలాన్ని, ప్రకాశాన్ని కోల్పోయినట్టు భావించి, అతని ప్రభావం బాగా తగ్గిపోతుందని పండితుల అభిప్రాయం.

    2025 సంవత్సరంలో ఈ శుక్ర మౌఢ్యం (Shukra Maudhyam) నవంబరు 26 నుంచి ప్రారంభమై.. 2026 ఫిబ్రవరి 7 లేదా 17వ తేదీ వరకు (వివిధ పంచాంగాల ప్రకారం స్వల్ప తేడా ఉండవచ్చు) సుమారు 83 రోజుల పాటు కొనసాగనుంది. ఈ దీర్ఘ వ్యవధి మూలంగా దాదాపు రెండున్నర నెలల పాటు శుభకార్యాలకు ‘లాంగ్ బ్రేక్’ ఏర్పడనుంది.

    Shukra Maudhyam 2025

    Shukra Maudhyam 2025 | ఈ కాలంలో శుభకార్యాలు ఎందుకు ఉండవంటే..

    జ్యోతిష్య శాస్త్రంలో గురు, శుక్ర గ్రహాలు సూర్యుడికి చాలా దగ్గరలో ఉన్నప్పుడు వాటి శక్తి తాత్కాలికంగా క్షీణిస్తుందని భావిస్తారు. ముఖ్యంగా శుక్రుడు సంపూర్ణంగా బలహీనుడైన ఈ మౌఢ్య సమయంలో వివాహం, గృహప్రవేశం, సీమంతం, అక్షరాభ్యాసం, కొత్త వ్యాపార ప్రారంభం, భూమి పూజ, బావి తవ్వడం, వాహన కొనుగోలు వంటి మంగళ కార్యాలు చేయడం శ్రేయస్కరం కాదని పెద్దలు చెబుతుంటారు. ఎందుకంటే ఈ కార్యాలు శుక్రుడి అనుగ్రహంపై ఎక్కువగా ఆధారపడి ఉంటాయి. శుక్రుడు బలహీనుడైతే ఆ కార్యాలు దీర్ఘకాలంలో కష్టాలు, అవాంఛిత ఫలితాలు ఇవ్వవచ్చని ప్రజలు ఆందోళన చెందుతారు.

    Shukra Maudhyam 2025 | ఏం చేయవచ్చు.. ఏం చేయకూడదు?

    ఈ కాలం పూర్తిగా నిషేధం అని కాదు. నిత్య పూజలు, దైనందిన ధార్మిక కర్మలు, శివాభిషేకం, లక్ష్మీ పూజ, గణపతి హోమం, కొన్ని ప్రత్యేక వ్రతాలు (ఉదా: వైకుంఠ ఏకాదశి, మకర సంక్రాంతి వంటివి) సాధారణంగా చేసుకోవచ్చు. గ్రహశాంతి, నవగ్రహ హోమాది జప-తప-హోమాలు కూడా అనుమతించబడతాయి. కానీ కొత్తగా మంగళ కార్యాలు ప్రారంభించడం, ముహూర్తాలు పెట్టడం మాత్రం పూర్తిగా వాయిదా వేయడమే మంచిదని పండితులు సూచిస్తున్నారు.

    Shukra Maudhyam 2025 | మౌఢ్యం అంటే ఏమిటి?

    ఖగోళ శాస్త్ర దృక్కోణంలో చూస్తే శుక్రుడు సూర్యుడి చుట్టూ తిరుగుతూ, భూమి-సూర్యుడి మధ్యలోకి వచ్చినప్పుడు భూమి నుంచి చూస్తే సూర్యకాంతిలో దాక్కొని కనిపించడు. దీన్నే ‘అధిక మౌఢ్యం’ (Superior Conjunction) అంటారు. ఈ సమయంలో శుక్రుడు వెనుకకు (రెట్రోగ్రేడ్) కదులుతున్నట్టు కనిపిస్తాడు కాబట్టి జ్యోతిష్యంలో దీనిని ‘మౌఢ్యం’గా పరిగణిస్తారు.

    జ్యోతిష్యంలో ఇది శుక్రుడి బలహీన కాలంగా గుర్తించబడుతుంది. అందుకే శుభకార్యాలను ఈ 83 రోజుల పాటు వాయిదా వేయడం మంచిదని పండితులు చెబుతున్నారు.

    గమనిక : మేం అందించిన ఈ సమాచారం కేవలం మీ అవగాహన కోసం మాత్రమే. ఇది మత విశ్వాసాలపై ఆధారపడి ఉంటుంది. ఇంటర్నెట్​లో లభించిన సమాచారం ఆధారంగా దీనిని ప్రచురించాం. వీటికి శాస్త్రీయ ఆధారాలు లేవు. తెలుగున్యూస్​టుడే వీటిని ధృవీకరించడం లేదు. వీటిని ఎంత వరకు విశ్వసించాలనేది మీ వ్యక్తిగతం.

    మమ్మల్ని సోషల్ మీడియాలో Follow చేయండి : Whatsapp, Facebook, Twitter, Arattai

  • EPFO Passbook | ఈపీఎఫ్ పాస్‌బుక్‌ అప్​డేట్​ కాలేదా.. కారణమిదే..!

    EPFO Passbook | ఈపీఎఫ్ పాస్‌బుక్‌ అప్​డేట్​ కాలేదా.. కారణమిదే..!

    తెలుగున్యూస్​టుడే, ఇంటర్నెట్​డెస్క్​: EPFO Passbook | గత కొన్ని రోజులుగా ఈపీఎఫ్​వో సభ్యులు తమ పాస్‌బుక్‌లో (EPFO Passbook) 2025 సెప్టెంబర్​, అక్టోబర్ నెలలకు సంబంధించిన పాస్​బుక్​లు అప్​డేట్​ కాకపోవడంతో సోషల్ మీడియాలో ఆందోళన వ్యక్తం చేస్తున్నారు. చాలా మంది “నా ఖాతాలో మాత్రమే ఇలా జరిగిందా?” అని ఆందోళన చెందుతూ ఈపీఎఫ్‌వోను ట్యాగ్ చేస్తూ పోస్టులు పెడుతున్నారు.

    ఈ విషయంపై అధికారిక స్పష్టత ఇచ్చిన ఈపీఎఫ్‌వో.. ఈ సమస్య వల్ల ఎవరి డబ్బు కోల్పోలేదని, ఇది కేవలం సాంకేతిక కారణాల వల్ల వచ్చిన తాత్కాలిక ఇబ్బందేనని పేర్కొంది. ప్రస్తుతం కొత్తగా పునర్నిర్మించిన ఈసీఆర్ (ECR) లెడ్జర్‌లో డేటా పోస్టింగ్ ప్రక్రియ జరుగుతోంది. ఈ ప్రక్రియ పూర్తయ్యే వరకు సెప్టెంబర్, అక్టోబర్ నెలల జమల వివరాలు పాస్‌బుక్‌లో ప్రతిబింబించడం ఆలస్యమవుతోంది. త్వరలోనే ఈ డేటా పూర్తిగా అప్‌డేట్ అయి సభ్యుల ఖాతాల్లో కనిపిస్తుందని ఈపీఎఫ్‌వో హామీ ఇచ్చింది. అందువల్ల సభ్యులు అనవసర ఆందోళన చెందాల్సిన పని లేదని, కలిగిన అసౌకర్యానికి విచారం వ్యక్తం చేస్తున్నట్లు తెలిపింది.

    EPFO Passbook | పాస్​బుక్​ లైట్​

    ఇదే సమయంలో సభ్యుల సౌలభ్యం కోసం ఈపీఎఫ్‌వో ఇటీవల ‘పాస్‌బుక్ లైట్’ అనే కొత్త సౌకర్యాన్ని ప్రారంభించింది. ఇకపై ప్రతిసారీ ప్రత్యేకంగా పాస్‌బుక్ పోర్టల్‌కు వెళ్లాల్సిన అవసరం లేకుండా, నేరుగా ఈపీఎఫ్ మెంబర్ పోర్టల్‌లోనే ‘పాస్‌బుక్ లైట్’ ఆప్షన్ ద్వారా ప్రస్తుత బ్యాలెన్స్, జమ, విత్‌డ్రా వివరాలు సులభంగా చూసుకోవచ్చు.

    ప్రస్తుతం పాస్‌బుక్‌లో రెండు నెలల జమ కనిపించకపోయినా, ఇది కేవలం సాంకేతిక అప్‌డేషన్ ప్రక్రియలో భాగమే తప్ప ఎటువంటి నష్టం జరగలేదు. త్వరలోనే అప్​డేట్​ అయ్యే అవకాశం ఉంది.

    ఇది కూడా చదవండి..: Loan rejection | మంచి క్రెడిట్ స్కోర్ ఉన్నా.. లోన్ రావడం లేదా.. ఈ కారణాలు ఉండొచ్చు..

    మమ్మల్ని సోషల్ మీడియాలో Follow చేయండి : Whatsapp, Facebook, Twitter, Arattai

  • F1 Visa | అమెరికా F-1 విద్యార్థి వీసా నిబంధనల్లో భారీ మార్పునకు బిల్లు.. భారతీయ విద్యార్థులకు గుడ్‌న్యూస్..!

    F1 Visa | అమెరికా F-1 విద్యార్థి వీసా నిబంధనల్లో భారీ మార్పునకు బిల్లు.. భారతీయ విద్యార్థులకు గుడ్‌న్యూస్..!

    తెలుగున్యూస్​టుడే, ఇంటర్నెట్​డెస్క్​: F1 Visa | అమెరికాలో ఉన్నత విద్య కోసం వెళ్లాలని ఆశపడే లక్షలాది అంతర్జాతీయ విద్యార్థులకు.. ముఖ్యంగా భారతీయ విద్యార్థులకు అమెరికా నుంచి ఊరట లభించే అవకాశం కనిపిస్తోంది. ఎఫ్-1 విద్యార్థి వీసా దరఖాస్తులను తిరస్కరించడంలో అతిపెద్ద అడ్డంకిగా ఉన్న ‘తిరిగి స్వదేశానికి వెళ్లే ఉద్దేశం’ (Intent to Depart) నియమాన్ని పూర్తిగా తొలగించే దిశగా అమెరికా కాంగ్రెస్‌లో కీలక బిల్లు ప్రవేశపెట్టారు.

    F1 Visa | ‘డిగ్నిటీ యాక్ట్ 2025’ పేరుతో..

    ‘డిగ్నిటీ యాక్ట్ 2025’ పేరుతో ఈ చట్ట ప్రతిపాదనను రూపొందించిన శాసనసభ్యులు, చదువు పూర్తయిన తర్వాత తప్పనిసరిగా స్వదేశానికి తిరిగి వెళ్తామని నిరూపించుకోవాల్సి అవసరం లేదనే విధానాన్ని మార్చాలని కోరుతున్నారు. ప్రస్తుతం ఎఫ్-1 వీసా ఇంటర్వ్యూలో కాన్సులర్ అధికారులు “చదువు అయిపోతే వెంటనే దేశం విడిచి వెళ్తారా?” అని ప్రశ్నిస్తున్నారు.. దానికి బలమైన ఆధారాలు లేకపోతే వీసాను నిరాకరిస్తున్నారు. సొంత దేశంలో ఆస్తులు, ఉద్యోగ ఆఫర్లు, కుటుంబ బంధాలు వంటి పత్రాలతో ఈ ఉద్దేశ్యాన్ని నిరూపించుకోవాల్సి ఉంటుంది. ఈ నిబంధన వల్లే గత కొంతకాలంగా, ముఖ్యంగా భారతీయ విద్యార్థుల ఎఫ్-1 వీసాల తిరస్కార రేటు గణనీయంగా పెరిగింది.

    F1 Visa

    F1 Visa | కొత్త చట్టం అమలయితే..

    కొత్త చట్టం అమలయితే ఇకపై ‘చదువు అయిపోయాక తిరిగి స్వదేశానికి వెళ్తారా..’ ప్రశ్నే రాదు. విద్యార్థులు చదువు పూర్తి చేసిన తర్వాత అమెరికాలోనే ఉద్యోగ అవకాశాలను వెతకడం, ఆప్ట్ (OPT) లేదా ఇతర వీసా రూట్ల ద్వారా దీర్ఘకాలికంగా ఉండే మార్గం సులువుగా మారనుంది. దీని ఫలితంగా అమెరికాకు వచ్చే అంతర్జాతీయ విద్యార్థుల సంఖ్య మరింత పెరుగుతుందని, అది దేశ ఆర్థిక వ్యవస్థకు కూడా మేలు చేస్తుందని ట్రంప్ పరిపాలన విభాగం భావిస్తోంది.

    F1 Visa | ప్రస్తుతం బిల్లు దశలోనే…

    ప్రస్తుతం ఈ బిల్లు ఇంకా చట్టంగా మారలేదు. కాంగ్రెస్ రెండు సభల్లోనూ ఆమోదం లభించి, అధ్యక్షుడు సంతకం చేస్తేనే ఇది అధికారికంగా అమలులోకి వస్తుంది. అదే సమయంలో, హోంల్యాండ్ సెక్యూరిటీ శాఖ కూడా ఎఫ్-1 వీసాలకు సంబంధించి ‘డ్యూరేషన్ ఆఫ్ స్టేటస్’ నుంచి ‘నిర్ణీత కాలపరిమితి’ వ్యవస్థకు మారే ప్రతిపాదనలను సిద్ధం చేస్తోంది.

    ఈ రెండు మార్పులూ అమలులోకి వచ్చినట్లయితే అమెరికాలో ఉన్నత విద్య అభ్యసించాలనుకునే భారతీయ విద్యార్థులకు చాలా పెద్ద ఊరటగా మారనుంది. రానున్న నెలల్లో ఈ బిల్లు ఏ స్థాయిలో పురోగమిస్తుందని లక్షలాది మంది విద్యార్థులు ఆసక్తిగా ఎదురుచూస్తున్నారు.

    ఇది కూడా చదవండి..: F-35 fighter jets | సౌదీకి F-35 ఫైటర్ జెట్లు విక్రయించనున్న అమెరికా.. MBS వాషింగ్టన్ పర్యటనలో కీలక ప్రకటన

    మమ్మల్ని సోషల్ మీడియాలో Follow చేయండి : Whatsapp, Facebook, Twitter, Arattai

  • Telangana Panchayat Elections | తెలంగాణలో పంచాయతీ ఎన్నికల నోటిఫికేషన్‌ విడుదల..

    Telangana Panchayat Elections | తెలంగాణలో పంచాయతీ ఎన్నికల నోటిఫికేషన్‌ విడుదల..

    తెలుగున్యూస్​టుడే, ఇంటర్నెట్​ డెస్క్​: Telangana Panchayat Elections | తెలంగాణ రాష్ట్రంలో గ్రామ పంచాయతీ ఎన్నికలకు సంబంధించిన నోటిఫికేషన్‌ విడుదలైంది. రాష్ట్ర ఎన్నికల సంఘం అధికారికంగా విడుదల చేసింది. మంగళవారం సాయంత్రం ఏర్పాటు చేసిన విలేకరుల సమావేశంలో రాష్ట్ర ఎన్నికల కమిషనర్ రాణి కుముదిని ఈ విషయాన్ని ప్రకటించారు.

    Telangana Panchayat Elections | మూడుదశల్లో ఎన్నికలు..

    రాష్ట్రంలోని మొత్తం 12,728 సర్పంచ్ పదవులకు, 1,12,242 వార్డు మెంబర్ పదవులకు ఎన్నికలు మూడు దశలుగా నిర్వహించనున్నట్టు ఎన్నికల కమిషనర్​ తెలిపారు. పోలింగ్ తేదీలు డిసెంబర్ 11, డిసెంబర్ 14, డిసెంబర్ 17గా నిర్ణయించారు. ప్రతి దశలోనూ ఉదయం 7 గంటల నుంచి మధ్యాహ్నం 1 గంట వరకు ఓటింగ్ జరుగుతుంది. అదే రోజు మధ్యాహ్నం 2 గంటల నుంచి ఓట్ల లెక్కింపు ప్రారంభమవుతుందని కమిషనర్ వెల్లడించారు. నోటిఫికేషన్ విడుదలతోపాటు మంగళవారం నుంచే రాష్ట్రవ్యాప్తంగా ఎన్నికల ప్రవర్తనా నియమావళి (మోడల్ కోడ్ ఆఫ్ కండక్ట్) అమలులోకి వచ్చింది.

    గతంలో సెప్టెంబర్ 29న ఎన్నికల షెడ్యూల్ ప్రకటించినప్పటికీ, కొన్ని సాంకేతిక కారణాలతో అక్టోబర్ 9న హైకోర్టు స్టే విధించడంతో ఎన్నికల ప్రక్రియ ఆలస్యమైందని రాణి కుముదిని చెప్పారు. ప్రస్తుతం రాష్ట్రంలో మొత్తం 1.66 కోట్ల మంది గ్రామీణ ఓటర్లు ఉన్నట్టు ఆమె తెలిపారు.

    Telangana Panchayat Elections | దశలవారీ వివరాలు ఈ విధంగా ఉన్నాయి..

    • తొలి దశ: 4,236 సర్పంచ్ పదవులు, 37,440 వార్డు మెంబర్ పదవులు

    నామినేషన్లు: నవంబర్ 27 నుంచి

    పోలింగ్: డిసెంబర్ 11

    • రెండో దశ: 4,333 సర్పంచ్ పదవులు, 38,350 వార్డు మెంబర్ పదవులు

    నామినేషన్లు: నవంబర్ 30 నుంచి

    పోలింగ్: డిసెంబర్ 14

    • మూడో దశ: 4,159 సర్పంచ్ పదవులు, 36,452 వార్డు మెంబర్ పదవులు

    నామినేషన్లు: డిసెంబర్ 3 నుంచి

    పోలింగ్: డిసెంబర్ 17

    ఈ ఎన్నికల ద్వారా రాష్ట్రంలోని గ్రామీణ స్థానిక సంస్థలకు కొత్త నాయకత్వం ఎన్నిక కానుంది. ఎన్నికల ప్రక్రియ పూర్తిగా పారదర్శకంగా, నిష్పక్షపాతంగా జరిపించేందుకు అన్ని ఏర్పాట్లు చేస్తున్నట్టు రాష్ట్ర ఎన్నికల సంఘం తెలిపింది.

    ఇది కూడా చదవండి..: New Labour Codes | అమలులోకి కొత్త కార్మిక చట్టాలు.. ప్రయోజనాలేమిటో తెలుసుకోండి..!

    మమ్మల్ని సోషల్ మీడియాలో Follow చేయండి : Whatsapp, Facebook, Twitter, Arattai

  • Moto G57 Power 5G | 7,000mAh భారీ బ్యాటరీతో మోటరోలా కొత్త బడ్జెట్ 5G ఫోన్.. మోటో G57 పవర్ లాంచ్!

    Moto G57 Power 5G | 7,000mAh భారీ బ్యాటరీతో మోటరోలా కొత్త బడ్జెట్ 5G ఫోన్.. మోటో G57 పవర్ లాంచ్!

    తెలుగున్యూస్​టుడే, ఇంటర్నెట్​డెస్క్​: Moto G57 Power 5G | బడ్జెట్ పరిధిలోనే గొప్ప బ్యాటరీ బ్యాకప్, మంచి పనితనం కావాలని చూస్తున్నారా? అయితే మోటరోలా తాజాగా భారత మార్కెట్‌లో “మోటో G57 పవర్ 5G” (Moto G57 Power 5G) ఫోన్​ను లాంఛ్​ చేసింది. ఈ స్మార్ట్‌ఫోన్‌లో 7,000mAh బ్యాటరీతో పాటు ఆకర్షణీయమైన ఫీచర్లు అందించారు. బడ్జెట్ ధరలో లభ్యం అవుతుండడంతో ఈ ఫోన్ త్వరలోనే అందరి దృష్టిని ఆకర్షించే అవకాశం ఉంది.

    Moto G57 Power 5G | డిస్‌ప్లే

    6.72 అంగుళాల ఫుల్ HD+ LCD స్క్రీన్ (1080×2400 పిక్సెల్స్ రిజల్యూషన్) ఇచ్చారు. 120Hz రిఫ్రెష్ రేట్, 120Hz టచ్ శాంప్లింగ్ రేట్, 1050 నిట్స్ పీక్ బ్రైట్‌నెస్‌తో స్మూత్ అనుభవం లభిస్తుంది. కార్నింగ్ గొరిల్లా గ్లాస్ 7i ప్రొటెక్షన్, స్మార్ట్ వాటర్ టచ్ 2.0 సాంకేతికత కూడా ఉన్నాయి.

    Moto G57 Power 5G | ప్రాసెసర్ & మెమరీ

    క్వాల్‌కామ్ స్నాప్‌డ్రాగన్ 6s Gen 4 (4nm ఆక్టా-కోర్) చిప్‌సెట్‌తో ఇది పనిచేస్తుంది. 8GB LPDDR4X ర్యామ్ + 128GB ఇంటర్నల్ స్టోరేజ్ కలిపి మల్టీటాస్కింగ్, రోజువారీ ఉపయోగం సులువుగా ఉంటుంది.

    Moto G57 Power 5G | బిగ్​ బ్యాటరీ

    7,000mAh భారీ బ్యాటరీతో రెండు రోజుల వరకు సులువుగా బ్యాకప్ ఇస్తుంది. 33W ఫాస్ట్ ఛార్జింగ్ సపోర్ట్ ఉండడంతో త్వరగా ఛార్జ్ అవుతుంది.

    Moto G57 Power 5G

    Moto G57 Power 5G | కెమెరా

    • వెనుకవైపు ట్రిపుల్ కెమెరా సెటప్
    • 50MP ప్రధాన సెన్సార్ (సోనీ LYT-600, f/1.8)
    • 8MP అల్ట్రావైడ్ లెన్స్ (f/2.2, 119.5° FOV)
    • టూ-ఇన్-వన్ లైట్ సెన్సార్
    • ముందు భాగంలో 8MP సెల్ఫీ కెమెరా ఉంది.

    Moto G57 Power 5G | సాఫ్ట్‌వేర్

    ఆండ్రాయిడ్ 16 ఆధారిత My UX తో వస్తోంది. మ్యాజిక్ ఎరేజర్, ఫొటో అన్‌బ్లర్, ఆటో స్మైల్ క్యాప్చర్, పోర్ట్రెయిట్ బ్లర్, స్కై రీప్లేస్‌మెంట్, రీఇమాజిన్ ఆటో ఫ్రేమ్ వంటి అనేక AI కెమెరా ఫీచర్లు అందుబాటులో ఉన్నాయి. గూగుల్ లెన్స్ ఇంటిగ్రేషన్ కూడా ఉంది.

    కనెక్టివిటీ & ఇతర ఫీచర్లు

    5G, డ్యూయల్ బ్యాండ్ Wi-Fi, బ్లూటూత్ 5.1, USB టైప్-C, అన్ని ప్రధాన సాటిలైట్ నావిగేషన్ సిస్టమ్స్ సపోర్ట్ చేస్తుంది. సైడ్-మౌంటెడ్ ఫింగర్‌ప్రింట్ సెన్సార్, యాక్సిలరోమీటర్, గైరోస్కోప్, ప్రాక్సిమిటీ సెన్సార్ వంటివి ఉన్నాయి.

    Moto G57 Power 5G

    డిజైన్ & బరువు

    166.23 × 76.50 × 8.60 mm కొలతలు, 210.6 గ్రాముల బరువు. మూడు అందమైన పాంటోన్ వేరియంట్స్ – రెగట్టా, ఫ్లూయిడిటీ, కోర్సెయిర్.

    ధర & ఆఫర్లు

    భారత్‌లో 8GB + 128GB వేరియంట్ ధర రూ.14,999గా నిర్ణయించారు. లాంచ్ స్పెషల్ ఆఫర్‌లో ఎంపిక చేసిన బ్యాంక్ కార్డులపై రూ.2,000 వరకు డిస్కౌంట్ లభించనుంది. అంటే ఈ ఫోన్‌ను కేవలం రూ.12,999 ధరకే సొంతం చేసుకోవచ్చు.

    సేల్​ ఎప్పటి నుంచంటే..

    డిసెంబర్ 3 మధ్యాహ్నం నుంచి అధికారిక సేల్స్ ప్రారంభం కానున్నాయి. ఫ్లిప్‌కార్ట్, మోటరోలా అధికారిక వెబ్‌సైట్, ప్రముఖ రిటైల్ స్టోర్లలో లభిస్తుంది. మూడు కలర్​ వేరియంట్స్​లో వస్తోంది.

    ఇది కూడా చదవండి..: X Chat | WhatsAppకు షాక్​ ఇవ్వనున్న మస్క్​.. X Chatతో త్వరలో ఎంట్రీ.. ఫీచర్స్ ఏమిటంటే..

    మమ్మల్ని సోషల్ మీడియాలో Follow చేయండి : Whatsapp, Facebook, Twitter, Arattai