Excess Salt Side Effects |ఉప్పు విషయంలో ఈ తప్పు చేయొద్దు.. మోతాదుకు మించి తీసుకుంటే ఏమవుతుందంటే..!

తెలుగున్యూస్​టుడే, వెబ్​డెస్క్​: ‘అన్ని వేసి చూడు.. నన్ను వేసి చూడు’ అంటుందట ఉప్పు. కూరలో ఎన్ని వేసినా ఉప్పు వేస్తేనే రుచి వస్తుందనేది మనకు తెలిసిన విషయమే. అయితే ఉప్పు ఈ విషయంలో కొన్ని తప్పులు చేయవద్దంటున్నారు నిపుణులు. మితిమీరిన వాడకం వల్ల ఆరోగ్యానికి ముప్పు ఏర్పడుతుందని చెబుతున్నారు. ఉప్పు ఎక్కువగా తీసుకోవడం వల్ల బీపీతో పాటు కిడ్నీ సమస్యలు, గుండె జబ్బులు, వస్తాయంటున్నారు. ఉప్పు ఎంత వాడాలి.. ఎలా వాడాలి.. ఎక్కువ వాడుతున్నామా అనేది ఎలా తెలుస్తుంది లాంటి విషయాలు తెలుసుకుందాం పదండి..

Excess Salt Side Effects ఈ లక్షణాలు కనిపిస్తున్నాయా..

మధుమేహం సమస్య లేకపోయినా తరచూ మూత్ర విసర్జనకు వెళ్తున్నట్లయితే.. మోతాదు కంటే ఎక్కువగా ఉప్పు తీసుకుంటున్నారా అనేది చెక్ చేసుకోవాలని నిపుణులు చెబుతున్నారు. ముఖ్యంగా.. రాత్రి సమయంలో వెళుతుంటే ఆహారంలో ఉప్పు వాడకంపై నియంత్రణ పాటించాలంటున్నారు. అయితే అధిక రక్తపోటు ఉన్న వారిలో ఎక్కువ ఉప్పు తీసుకోవడం వల్ల ఎక్కువ సార్లు వాష్​రూం వెళ్తుంటారట.

Excess Salt Side Effects ఊరికే దాహం వేస్తోందా..

ఉప్పు ఎక్కువగా తీసుకోవడం వల్ల శరీరంలో సోడియం స్థాయిలు పెరిగిపోతాయట. దీనివల్ల మన శరీరంలో నీటి స్థాయి సమతుల్యతపై ప్రభావం పడుతుంది. దీని వల్ల ఎక్కువగా దాహం వేస్తుందని నిపుణులు చెబుతున్నారు.

Excess Salt Side Effects శరీరంలో వాపులు

సాధారణంగా హైబీపీ బాధితుల్లో శరీర భాగాల్లో వాపు కనిపిస్తుందని నిపుణులు పేర్కొంటున్నారు. అయితే ఉప్పు ఎక్కువగా తీసుకునే వారిలో కూడా వాపు రావడం గమినించవచ్చంటున్నారు. ముఖ్యంగా.. పాదాల్లో నీరు పెరిగి ఉబ్బుతాయట. మనం తీసుకునే ఫుడ్​లో ఉప్పు తగ్గిస్తే క్రమంగా బయటపడవచ్చని చెబుతున్నారు.

Excess Salt Side Effects నొప్పులు, తిమ్మిర్లు రావడం..

ఉప్పు అధికంగా తీసుకోవడం వల్ల శరీరంలో సోడియం స్థాయిలు పెరుగుతాయి. అయితే ఇది మన శరీరంలోని కాల్షియం స్థాయిల్లో కూడా ప్రభావం చూపిస్తుందని నిపుణులు చెబుతున్నారు. ఈ కారణంగా బోన్స్​ బలహీనపడతాయని పేర్కొంటున్నారు. అలాగే తిమ్మిర్లు, నొప్పులు వస్తాయని అంటున్నారు.

Excess Salt Side Effects ఉప్పు తగ్గించుకునే మార్గాలివే..

నిత్య జీవితంలో ఉప్పు వాడకాన్ని తగ్గించుకోవడం వల్ల చాలా అనారోగ్య సమస్యలు దూరంగా ఉండవచ్చు. ఇందుకోసం కొన్ని చిట్కాలు పాటించాలని సూచిస్తున్నారు.
‌

– సూపర్ మార్కెట్లు, మాల్స్​, షాప్​లలో ఏ పదార్థం కొన్నా, అందులో సోడియం స్థాయిలు ఎంత మేర ఉన్నాయో తీసుకోవాలి. ఫుడ్ లేబుల్ చూసి తీసుకోవాలని నిపుణులు పేర్కొంటున్నారు.

గమనిక : మీకు అందించిన ఆరోగ్య సమాచారం కేవలం మీ అవగాహన కోసం మాత్రమే. ఇంటర్నెట్​లో దొరికిన సమాచారం ఆధారంగా ఇచ్చాం. వీటిని పాటించే ముందు మీ వ్యక్తిగత వైద్యుడి సలహా తీసుకోవడం ఉత్తమం.

Top 7 Budget Tablets Under 15000 |బడ్జెట్‌ ధరలో ట్యాబ్లెట్‌ కోసం చూస్తున్నారా.. అయితే ట్యాబ్​పై ఓ లుక్కేయండి..!

మమ్మల్ని సోషల్ మీడియా లో Follow చేయండి : Whatsapp, Facebook, Twitter, Arattai