Leh-Manali highway | ప్రపంచంలో అత్యంత సుందరమైన హైవే.. వైరల్​ అవుతున్న ఆనంద్​ మహీంద్రా ట్వీట్

తెలుగున్యూస్​టుడే, ఇంటర్నెట్ డెస్క్​: Leh-Manali highway | ఆనంద్​ మహీంద్రా (Anand mahindra) తాజాగా పోస్ట్​ చేసిన ట్వీట్​ నెట్టింట వైరల్​గా మారింది. “లెహ్ – మనాలి హైవే ప్రపంచంలోని అత్యంత సుందరమైన వాటిల్లో ఒకటి. ఇది మిమ్మల్ని కుర్చీలో కూర్చోకుండా.. భారత సహజ వైభవాన్ని పునరావిష్కరింపజేయాలని అనిపిస్తుంది” అంటూ ట్వీట్ చేశారు. ప్రస్తుతం ఇది సోషల్ మీడియాలో ట్రెండింగ్​ మారింది. పోస్ట్​ చేసిన 24 గంటల్లోపే లక్షల మంది వీక్షించారు.

Leh-Manali highway | ప్రకృతి రమణీయం లెహ్ – మనాలి హైవే..

ప్రకృతి రమణీయత లేహ్–మనాలి హైవే సొంతం. 428 కిలోమీటర్ల పొడవులో విస్తరించి ఉన్న ఈ రహదారిపై ప్రయాణించడం ఒక అద్భుతమైన ప్రయాణం ఎత్తయిన పర్వాతాలు, మధ్యలో లోయలు, మంచుతో కప్పబడిన శిఖరాలు, గడ్డకట్టిన నదుల అందాలు ప్రయాణికులను మంతముగ్ధులను చేస్తాయి. హిమాచల్ ప్రదేశ్‌లోని మనాలి నుంచి లద్దాఖ్​లోని లేహ్ వరకు సాగే ఈ రహదారి అందాలు కట్టిపడేస్తాయి. దేశంలోని నాలుగు అత్యధిక ఎత్తయిన మోటరబుల్ పాస్‌లను దాటి వెళ్తుంది. రోతాంగ్ లా, బరలాచా లా, లుంగలాచా లా, టాంగ్లాంగ్ లా పాస్​లు 16,000 అడుగుల కంటే ఎక్కువ ఎత్తులో ఉండడం విశేషం. కాగా.. ఈ మార్గాన్ని బోర్డర్ రోడ్స్ ఆర్గనైజేషన్ (BRO) నిర్వహిస్తుంది.

Leh-Manali highway | సాహసయాత్రికులకు స్పెషల్​

ఈ రహదారి సాహసయాత్రికులకు ఎంతో స్పెషల్​. రైడర్స్​ తప్పకుండా టూర్​ వేయాల్సిన హైవే ఇది. కొండలు, లోయలు, హిమాలయాల్లోని హై-ఆల్టిట్యూడ్ సరస్సులు, మౌనంగా ఉండే గ్రామాలు ఇవన్నీ కలిపి ఒక ఆధ్యాత్మిక ప్రయాణంలా అనిపిస్తుంది. అయితే గతంలో ఈ దారి ఏడాదిలో కేవలం ఆరు నెలలపాటు మాత్రమే తెరిచి ఉండేది. అది కూడా మంచు వర్షాల వల్ల ఎంతో క్లిష్టంగా ఉండేది. అయితే అటల్ టన్నెల్ నిర్మాణం చేపట్టడంతో ఈ మార్గం 45 కి.మీ. తగ్గిపోయింది. ప్రయాణం సులువుగా మారింది. కాగా.. ఈ రహదారిపై శింగో లా టెన్నల్​ నిర్మాణం కూడా చేపట్టారు. ఇది పూర్తయితే అన్ని కాలాల్లో ప్రయాణం చేయడానికి సులువుగా మారనుంది. అంతేకాకుండా ఈ రహదారి భారత సైన్యానికి కూడా వ్యూహాత్మకంగా ఎంతో ముఖ్యమైన మార్గంగా చెబుతారు.